13.01.2026 | 14:00
Կաշկանդված չենք քննադատել Սոլովյովի հայտարարությունը․ Իշխան Սաղաթելյան․ ՏԵՍԱՆՅՈՒԹ
Թող քննադատեր, ոչ թե ասեր՝ «նիկոլական վիժվածք»․ դա խուլիգանություն է․ Հակոբ Ասլանյան․ ՏԵՍԱՆՅՈՒԹ
Հասարակություն
25.02.2025 | 16:39
«Ինձ ոչ մեկի կարծիքը չի հետաքրքրում, ինձ հետաքրքում է, որ եթե մարդը կատարել է որևէ արարք, դրան համապատասխան պիտի պատժվի։ Անկախ նրանից, ես հիմա ՔՊ-ում եմ, թե ՔՊ-ում չեմ, օրենքը դրա հետ կապ չունի»,- այս մասին դատարանի բակում լրագրողների հետ զրույցում նշեց ՔՊ-ից հեռացված պատգամավոր Հակոբ Ասլանյանը։
«Կա քննադատության աստիճան, թող քննադատի՛, ոչ թե անձնական ասի։ Մարդը կարող է մոտենալ, ասել՝ գիտե՞ք, դուք սխալ եք, սխալ եք կառավարում, բայց ոչ թե ասի՝ «նիկոլական վիժվածք» կամ այլ բառեր։ Դա խուլիգանություն է»,- ասաց պատգամավորը։
Անդրադառնալով իր հետ ունեցած միջադեպից հետո Սամվել Վարդանյանի հետ տեղի ունեցածին, Ասալնյանը նշեց․
«Դրա համար կան իրավապահ մարմիններ, թո՛ղ զբաղվեն, ես իրավապահ մարմին չեմ։ Ես ԱԺ պատգամավոր եմ, իմ պարտականություններն ԱԺ-ում են»,- ասաց ՔՊ-ից հեռացված պատգամավորը։
Նշենք, որ 2024-ի ապրիլի 15-ին այդ ժամանակ դեռևս ՔՊ խմբակցության պատգամավոր Հակոբ Ասլանյանի և քաղաքացի Սամվել Վարդանյանի միջև հասարակական տրանսպորտում միջադեպ էր տեղի ունեցել։ Խուլիգանության կասկածանքով հաջորդ օրը ձերբակալված Վարդանյանի փաստաբաններ Ռուբեն Մելիքյանն ու Վարազդատ Հարությունյանը պատմել էին, որ ոստիկանների ուղեկցությամբ ձերբակալվածների պահման վայր տեղափոխելու ճանապարհին դիմակավորված անձինք խոշտանգել են Սամվել Վարդանյանին․ ծնկի են բերել, թքել նրա վրա և սեռական բնույթի հայհոյանքներ հնչեցրել։ Այս դեպքի առթիվ թեև նախաձեռնվել է քրեական վարույթ, սակայն արդյունքներ չկան։
Մանրամասները՝ տեսանյութում։
Արփի Հակոբյան
