13.01.2026 | 13:56
ՀԷՑ-ը վճարել է մոտ 63,7 տոկոսով ավելի հարկեր և տուրքեր․ Ռոմանոս Պետրոսյան
Սամվել Վարդանյանը կտտանքների է ենթարկվել, ի՞նչ կա քննությունից. Մամիջանյանը՝ ՆԳ նախարարին. ՏԵՍԱՆՅՈՒԹ
Հասարակություն
25.02.2025 | 15:32
ԱԺ «Պատիվ ունեմ» խմբակցության ղեկավար Հայկ Մամիջանյանը Երևանում ընթացում Հայաստան-ԵՄ խորհրդարանական գործընկերության կոմիտեի 4-րդ նիստի ժամանակ բարձրացրեց ընդդիմադիր ակտիվիստների նկատմամբ ոստիկանական կտտանքների հարցը:
«Իրավիճակը ինչպիսի՞ն է, երբ խոսքն այն ոստիկանների նկատմամբ ներքին քննությունների մասին է, որոնք, իմ կարծիքով, անհամաչափ ուժ են կիրառել խաղաղ ցուցադրումների նկատմամբ։ Ի՞նչ իրավիճակ է Սամվել Վարդանյանի գործով, որը կտտանքների է ենթարկվել դիմակավորված մարդկանց կողմից, երբ գտնվում էր ոստիկանության մեքենայի մեջ»,- դիմելով ՆԳ նախարարին՝ հարցրեց Մամիջանյանը։
Ի պատասխան ՆԳ նախարար Արփինե Սարգսյանն էլ արձագանքեց. «Թե՛ հավաքների ազատության իրավունքի կոնտեքստում ձեր նշած դեպքերի մասով, և թե՛ նաև Սամվել Վարդանյանի կոնկրետ գործի մասով, բոլոր դեպքերով արդեն Քննչական կոմիտեում նախաձեռնված են քրեական վարույթներ: Ես չեմ հավակնի որևէ ձևով գնահատականներ տալ այդ դեպքերին, քանի որ լինելով գործադիր իշխանության ներկայացուցիչ, ես հասկանում եմ իմ գործառույթների սահմանը և քննչական կոմիտեն է, որ անկախ, օբյեկտիվ և լրիվ քննության արդյունքում պիտի տա այս հարցերի պատասխանը։
Քննչական կոմիտեն կարծում եմ պատեհ պահի հանդես կգա համապատասխան հայտարարություններով, որովհետև որևէ կաշկանդվածություն դեպքերի մասով չկա»:
Մանրամասները՝ տեսանյութում։
