30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Առատ ձյան շնորհիվ Երևանի օդում փոշու պարունակության նվազում է արձանագրվել
24.02.2025 | 17:43
Երբ ձմռանը մեր շրջակայքը ծածկվում է ձյունով, մենք հաճախ հիանում ենք այդ հանդարտ գեղեցկությամբ, սակայն, շրջակա միջավայրը պարզապես գեղեցկացնելուց բացի, ձյունը կարևոր դեր է կատարում՝ մաքրում է օդը: Հետազոտությունները և տվյալները ցույց են տալիս, որ ձյունը զգալի ներդրում ունի մթնոլորտի մաքրման և օդի որակի բարելավման գործում․ գրում է
«Հիդրոօդերևութաբանության և մոնիթորինգի կենտրոնը»։
«Հիդրոօդերևութաբանության և մոնիթորինգի կենտրոնը»։
«Ինչի ապացույց է մայրաքաղաքում նախորդ շաբաթ տեղացած առատ ձյան հետևանքով փոշու պարունակության նվազումը. փետրվարի 21-23-ը Երևան քաղաքի 5 դիտակայաններում փոշու օրական պարունակության գերազանցումներ սահմանային թույլատրել կոնցենտրացիայից չեն դիտվել։Ըստ էության, ձյունը ծառայում է որպես օդի օրգանական ֆիլտր: Այն կլանում է օդում վնասակար նյութերը, ներառյալ մանր մասնիկները (PM2.5) և կայուն օրգանական աղտոտիչները (պոլիքլորացված դիբենզո-պ-դիօքսինները և ֆուրանները (PCDD/Fs))՝ արդյունավետորեն հեռացնելով դրանք օդից և թողնելով գետնին:
Թեև և՛ անձրևը, և՛ ձյունը օգտակար են օդի որակի բարելավման համար, ձյան յուրահատուկ կառուցվածքն այն հատկապես արդյունավետ է դարձնում: Ձյան փաթիլների բարդ բյուրեղային կառուցվածքի շնորհիվ, դրանց կլանման մակերեսն ավելի մեծ է, քան անձրևի կաթիլների դեպքում: Սա թույլ է տալիս փաթիլների անկման ժամանակ որսալ և պահել ավելի շատ մասնիկներ՝ դրանով իսկ մեծացնելով օդը մաքրելու նրանց կարողությունը:
Ձյունը շատ ավելին է անում, քան պարզապես գեղեցկացնում է մեր միջավայրը, այն ավելի առողջ է դարձնում»,- ասված է հաղորդագրությունում։
