13.01.2026 | 16:01
BBC-ն ցանկանում է հասնել Թրամփի 5 միլիարդ դոլարի զրպարտության հայցի մերժման
Իսրայելը հետաձգել է պաղեստինցի բանտարկյալների ազատ արձակումը
Քաղաքականություն
23.02.2025 | 19:10
Իսրայելի վարչապետ Բենիամին Նեթանյահուն հայտնել է, որ Գազայի հատվածում հրադադարի համաձայնագրի շրջանակներում պաղեստինցի բանտարկյալների ազատ արձակումը կհետաձգվի այնքան ժամանակ, քանի դեռ ՀԱՄԱՍ-ը չի դադարեցրել «նվաստացուցիչ արարողությունները», որոնք կազմակերպում է իսրայելցի պատանդներին փոխանցելու ժամանակ։ Այս մասին նա հայտարարել է փետրվարի 23-ի գիշերը․ փոխանցում է DW-ն։
«Հաշվի առնելով ՀԱՄԱՍ-ի կողմից կրկնվող խախտումները, ներառյալ մեր պատանդներին նվաստացնող արարողությունները և մեր նրանց ցինիկ օգտագործումը քարոզչական նպատակներով, որոշում է կայացվել երեկ նախատեսված ահաբեկիչների ազատ արձակումը հետաձգել, մինչև չի երաշխավորվի, որ հաջորդ պատանդների ազատումը կանցնի առանց նվաստացուցիչ արարողությունների»,- ասվում է Նեթանյահուի գրասենյակի հայտարարության մեջ։
Փետրվարի 22-ին ՀԱՄԱՍ-ը ազատ է արձակել ևս վեց իսրայելցի պատանդների և հայտարարել, որ իր կողմից առաջին փուլն ավարտված է։ Իսրայելը նույն օրը պետք է ազատ արձակեր 602 պաղեստինցի բանտարկյալների։ Երեկոյան ՀԱՄԱՍ-ը հայտարարեց, որ նրանց ազատ արձակումը հետաձգվել է և Իսրայելին մեղադրեց հրադադարի պայմանավորվածության «կոպիտ խախտման» մեջ։
Առաջին փուլի շրջանակում, որը կտևի մինչև մարտի 2-ը, նախատեսվում է ազատ արձակել 25 իսրայելցիների և վերադարձնել ութ զոհվածների մարմինները։ Իսրայելի իշխանությունները սպասում են ևս չորս մարմնի փոխանցմանը։
