13.01.2026 | 14:14
Զինվորական համազգեստի վաճառքը կարգելվի. ԱԺ-ում նախաձեռնությամբ հանդես կգամ. Պապիկյան․ ՏԵՍԱՆՅՈՒԹ
Բելգիան հետաձգել է առաջին F-16-ների մատակարարումն Ուկրաինա
Քաղաքականություն
21.02.2025 | 18:55
Բելգիան մինչև 2025 թվականի վերջ հետաձգել է առաջին 30 F-16 կործանիչների մատակարարումը Ուկրաինային։ Պատճառն ԱՄՆ-ից Բելգիա F-35 ինքնաթիռների մատակարարման ուշացումն է, Soir-ին տված հարցազրույցում ասել է Բելգիայի Գլխավոր շտաբի ղեկավար, ռազմաօդային ուժերի գեներալ Ֆրեդերիկ Վանսինան։
«Մենք հուսով ենք, որ մինչև այս տարվա վերջ կսկսենք մատակարարել առաջին ինքնաթիռները [Ուկրաինային]»,- ասել է նա։
Նախատեսված 2023 թվականի փոխարեն՝ ԱՄՆ-ը Բելգիային կսկսի ինոր F-35-ների մատակարարումը միայն 2025 թվականի վերջին։ Դրանք պետք է լիարժեք գործառնական պատրաստության հասնեն մինչև 2027 թվականը, նշել է Վանսինան։
Գեներալը կարծում է, որ Ուկրաինա առաքումների հետաձգումը լուրջ խնդիր չէ, քանի որ ազատված ժամանակը կարող է ծախսվել «օդաչուների և տեխնիկների պատրաստման վրա», որոնց պակասը ներկայումս կա։ Վանսինայի խոսքով՝ մեկ այլ խնդիր է Ուկրաինայի համար նախատեսված F-16 ինքնաթիռների պահեստամասերի բացակայությունը։
«Մենք Lockheed-ին խնդրել ենք լրացուցիչ պահեստամասեր մատակարարել մեզ, սակայն նրանք մերժել են, որովհետև դրանք այլևս չեն արտադրվում»,- նշել է նա։
Թարգմանությունը՝ Տաթև Ֆռանգյանի
