13.03.2026 | 14:57
ԱՄՆ-ը զգուշացնում է իր քաղաքացիներին՝ վերանայել Ադրբեջան ուղևորության ծրագրերը
Թուրքիայի դեսպանին խիստ բողոք է ներկայացվել․ Հնդկաստանի ԱԳՆ-ն քննադատել է Էրդողանի հայտարարությունները
Քաղաքականություն
21.02.2025 | 20:54
Հնդկաստանը քննադատել է Թուրքիայի նախագահ Ռեջեփ Թայիփ Էրդողանին Քաշմիրի վերաբերյալ վերջին արտահայտության համար։ Երկրի ԱԳՆ-ն հայտարարել է, որ խիստ բողոք է ներկայացվել Թուրքիայի դեսպանին, գրում է The Times of India-ն։
«Մենք մերժում ենք նման վիճելի մեկնաբանությունները Հնդկաստանի համար հավերժական հարցերի վերաբերյալ։ Մենք խիստ բողոք ենք ներկայացրել Թուրքիայի դեսպանին։ Հնդկաստանի տարածքային ամբողջականության և ինքնիշխանության վերաբերյալ նման անհիմն հայտարարություններն անընդունելի են։ Ջամուն և Քաշմիրը Հնդկաստանի անբաժանելի մասն են։ Ավելի լավ կլիներ, եթե խոսվեր Հնդկաստանի դեմ անդրսահմանային ահաբեկչություն կիրառելու՝ Պակիստանի քաղաքականության մասին, որը շարունակում է մնալ ամենամեծ սպառնալիքը Ջամուի և Քաշմիրի բնակիչների համար»,- ասել է Հնդկաստանի ԱԳՆ խոսնակ Ռանդհիր Ջեյսվալը։
Անցյալ շաբաթ Թուրքիայի նախագահը կոչ էր արել ՄԱԿ-ին երկխոսություն սկսել Քաշմիրի խնդրի լուծման համար՝ Պակիստանի վարչապետ Շեհբազ Շարիֆի հետ բանակցություններից հետո:
«Քաշմիրի հարցը պետք է լուծվի ՄԱԿ-ի բանաձևի համաձայն՝ երկխոսության միջոցով և նկատի ունենալով Քաշմիրի ժողովրդի ձգտումները։ Մեր պետությունը և մեր ազգը, ինչպես նախկինում, այսօր համերաշխ են մեր Քաշմիրի եղբայրների հետ»,- հայտարարել էր Էրդողանը։
Հնդկաստանը պնդում է, որ Քաշմիրի հարցը զուտ երկկողմանի է, և այն միջազգայնացնելու հնարավորություն չկա։
Թարգմանությունը՝ Էմմա Չոբանյանի
