25.05.2026 | 21:42
Օսիպյանը քաղբանտարկյա՞լ․ արցախցի գործիչը հացադուլի մեջ է, քաղհասարակությունը պահանջում է ազատել նրան․ ՏԵՍԱՆՅՈՒԹ
Պենտագոնը զանգվածաբար աշխատանքից կազատի քաղաքացիական աշխատակիցներին
Քաղաքականություն
21.02.2025 | 20:29
ԱՄՆ Պաշտպանության նախարարությունը փետրվարի 21-ից կսկսի քաղաքացիական աշխատակիցների զանգվածային կրճատումները և կդադարեցնի աշխատանքի ընդունումը՝ որպես կառավարության անձնակազմի կրճատման Դոնալդ Թրամփի վարչակազմի ծրագրի մի մաս: Այս մասին հայտնում է Defense One-ը։
Սա առաջին հերթին կանդրադառնա մեկ տարի առաջ փորձաշրջանով աշխատանքի ընդունված աշխատողների վրա:
Նշվում է, որ DOGE-ի անդամները (Սպիտակ տան կառավարության արդյունավետության գրասենյակ, որը ղեկավարում է Իլոն Մասկը) առաջին այցը Պենտագոն կատարել են անցած ուրբաթ։ Նույն օրը Պենտագոնի քաղաքականության հարցերով պաշտոնյան նախազգուշական նամակ է ուղարկել աշխատակիցներին:
Սոցցանցերում հրապարակված տեսանյութում ԱՄՆ պաշտպանության նախարար Փիթ Հեգսեթը հաստատել է, որ Պենտագոնը «վերագնահատում է փորձաշրջան անցնող անձանց թիվը»:
Military.com-ի փոխանցմամբ՝ DOGE-ի թիմն արդեն սկսել է վերանայել Պենտագոնի բյուջեի ծախսերը: Փորձագետները մուտք են գործել ԱՄՆ Պաշտպանության նախարարության տեղեկատվական համակարգեր և տվյալների բազա: Հեգսեթը զինվորական ծառայություններին հրամայել է բացահայտել 50 միլիարդ դոլարի ծրագրերը, որոնք կարող են կրճատվել:
Ինչպես հայտնի է՝ Պենտագոնը, որի բյուջեն կազմում է մոտ 850 միլիարդ դոլար, ամենախոշոր դաշնային գործակալությունն է և տիրապետում է ԱՄՆ ազգային պաշտպանության մասին ամենազգայուն տեղեկատվությանը:
Թարգմանությունը՝ Տաթև Ֆռանգյանի
