08.11.2026 | 18:50
ԱԺ 4 պատգամավորներ նոյեմբերի 25-28-ը կգործուղվեն Բեռլին
Հռոմի Ֆրանցիսկոս պապը կարող է հրաժարվել գահից
Քաղաքականություն
21.02.2025 | 17:04
Կարդինալ Ջանֆրանկո Ռավասին հնարավոր է համարել, որ 88-ամյա Ֆրանցիսկոս պապը կարող է հրաժարվել գահից, գրում է Corriere della Sera-ն։
«Եթե նա դժվարություններ ունենա պապական պարտականությունների կատարման հարցում, նա կկատարի իր ընտրությունը։ Իհարկե, նա որոշում կկայացնի, միգուցե խորհուրդ կխնդրի, բայց որոշում կկայացնի ինքը՝ իր խղճի համաձայն»,- ասել է Ռավասին։
Նա նշել է, որ Հռոմի պապը ցանկանում է անցկացնել քրիստոնեության հոբելյանական տարին, որը Հռոմի կաթոլիկ եկեղեցին նշում է 2024 թվականի դեկտեմբերի 24-ից մինչև 2026 թվականի հունվարի 6-ը։
Հռոմի Ֆրանցիսկոս պապը մեկ շաբաթ է՝ փետրվարի 14-ից գտնվում է հիվանդանոցում։ Նա հոսպիտալացվել է բրոնխիտով։ Հիվանդանոցում կաթոլիկ քահանայապետի ինքնազգացողությունը վատացել է. Վատիկանը հայտարարել է Պապի առողջության հետ կապված «բարդ կլինիկական իրավիճակի» մասին։
Թարգմանությունը՝ Տաթև Ֆռանգյանի
