02.04.2026 | 22:10
Ավստրիան հայտարարել է, որ մերժել է ԱՄՆ-ին իր օդային տարածքը օգտագործել
Ավինյանը հետևել է իր հորդորին՝ բահը ձեռքին ձյուն է մաքրում
21.02.2025 | 15:22
Երևանի քաղաքապետ Տիգրան Ավինյանը բահը ձեռքին ձյուն է մաքրում․ համացանցում է տարածվել տեսանյութը։ Դատելով տարածքից՝ Ավինյանը, ամենայն հավանականությամբ, Ավան վարչական շրջանում է՝ թաղապետարանի տարածքում։ Ավինյանի թիմակից, ՔՊ խմբակցության ավագանու անդամ Միքայել Խաչատրյանը ֆեյսբուքում տեղադրել է Ավինյանի՝ ձյուն մաքրելու տեսանյութը և կից գրել, որ «Երևանի քաղաքապետ Տիգրան Ավինյանն արձագանքել է իր՝ 2016թ. ֆեյսբուքյան գրառմանը»։
Նշենք, որ Երևանի քաղաքապետ Տիգրան Ավինյանը 2016 թվականի դեկտեմբերին այդ ժամանակվա քաղաքապետին և քաղաքապետարանի անձնակազմին հորդորել էր վերցնել բահերն ու Երևանի փողոցներից մաքրել ձյունը։ Երեկ երբ ֆեյսբուքյան օգտատերերն ակտիվորեն տարածում էին Ավինյանի այդ գրառումը, Factor TV-ն արձանագրեց, որ Ավինյանը ֆեյսբուքյան էջից հեռացրել է գրառումը։ Մեր հրապարակումից հետո՝ քաղաքապետը կրկին վերականգնել էր այն։
«Եթե ձյուն մաքրելու տեխնիկա չկա, լուծումը հետևյալն ա. քաղաքապետարանի անձնակազմը, Տարոնի գլխավորությամբ, վերցնում են բահերը (լապատկա) ու հայդե փողոցներով ձյուն մաքրելու»,- 2016 թվականի դեկտեմբերի 26-ին գրել էր ակտիվիստ Տիգրան Ավինյանը։
Արփի Հակոբյան
