17.07.2026 | 22:13
Բուհերի ընդունելության արդյունքները կհրապարակվեն հուլիսի 18-ին
Բալթիկ ծովում վնասվել է Ֆինլանդիան և Գերմանիան կապող մալուխը
Քաղաքականություն
21.02.2025 | 17:51
Շվեդիայի առափնյա պահպանությունը հայտնել է Բալթիկ ծովում մալուխի նոր խզման մասին, հաղորդում են ֆիննական Yle և շվեդական TV4 հեռուստաալիքները:
BBC-ի ռուսական ծառայության փոխանցմամբ՝ դեպքը տեղի է ունեցել Գոթլանդ կղզու ափերի մոտ (Շվեդիա), վնասվել է Ֆինլանդիան և Գերմանիան կապող C-Lion 1 մալուխը։
Ըստ Շվեդիայի առափնյա պահպանության ծառայության՝ դեռևս պարզ չէ, թե կոնկրետ երբ է տեղի ունեցել մալուխի խզումը, սակայն շվեդական իշխանությունները միջադեպի մասին տեղեկացել են հինգշաբթի՝ փետրվարի 20-ին։ Շվեդիայի դատախազությունը միջադեպի հետաքննություն է սկսել։
Վերջին ամիսներին Բալթիկ ծովում մալուխների վնասման դեպքեր բավականհաճախ են տեղի ունենում։ 2024 թվականի նոյեմբերի կեսերին հայտնի էր դարձեր, որ Ֆինլանդիայի և Գերմանիայի, Շվեդիայի և Լիտվայի միջև Բալթիկ ծովում վնասվել են ստորջրյա հեռահաղորդակցության մալուխները։
2025 թվականի հունվարի վերջին վնասվել էր Լատվիայի և Շվեդիայի միջև օպտիկամանրաթելային մալուխը, որն անցնում է Բալթիկ ծովի հատակով։ Շվեդիայի դատախազությունն այն ժամանակ ևս հայտարարել էր, որ հետաքննություն է սկսել հնարավոր դիվերսիաների վերաբերյալ։ Նշվել էր, որ մալուխի վնասման պատճառով կալանվել է նավ։ Ենթադրություններ կային, որ տարածքում գտնվող ռուսական «ստվերային նավատորմի» նավերը ներգրավված են դրանում, սակայն պաշտոնական մեղադրանք չէր առաջադրվել։ Շվեդիայի դատախազությունը հանգել էր եզրակացության, որ վնասման պատճառը եղանակային վատ պայմաններն են եղել։
Թարգմանությունը՝ Էմմա Չոբանյանի
