08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Արգենտինայի նախագահը Իլոն Մասկին բենզասղոց է նվիրել
Քաղաքականություն
21.02.2025 | 16:07
ԱՄՆ կառավարության արդյունավետության դեպարտամենտի (DOGE) ղեկավար, գործարար Իլոն Մասկը ելույթ է ունեցել Պահպանողական քաղաքական գործողությունների համաժողովում։ Միջոցառմանը ներկա Արգենտինայի նախագահ Խավիեր Մայլին նրան բենզասղոց է նվիրել, գրում է Reuters-ը։
Համաժողովը տեղի է ունեցել փետրվարի 20-ին, ամերիկյան Մերիլենդ նահանգում։ Մասկի ելույթի ժամանակ Արգենտինայի նախագահը բենզասղոցը ձեռքին բարձրացել է բեմ։ Նա այն տվել է գործարարին, որն ի պատասխան՝ սեղմել է նրա ձեռքը, ապա սկսել թափահարել բենզասղոցը։
«Սա բենզասղոց է բյուրոկրատիայի համար»,- բղավել է գործարարը։
Բենզասղոցը Խավիեր Մայլիի նախընտրական արշավի գլխավոր խորհրդանիշն էր, որն այդ գործիքն օգտագործում էր որպես պետական ծախսերի կրճատման խորհրդանիշ։ Նույն նպատակով էլ Դոնալդ Թրամփի հրամանագրով ստեղծվել է DOGE-ը։ Անցյալ շաբաթ ԱՄՆ 14 նահանգների դատախազները դատական հայց են ներկայացրել Թրամփի և Մասկի դեմ։ Հայցվորները պնդում են, որ DOGE-ը ստեղծվել է Սահմանադրության խախտմամբ։
Թարգմանությունը՝ Տաթև Ֆռանգյանի
