08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
«Արթիկ» և «Վանաձոր» ՔԿՀ-ներում ևս ուսումնաարտադրական կենտրոններ կստեղծվեն․ ՔԿԾ պետն ու ԵԽ ներկայացուցիչը շրջայց են կատարել
Հասարակություն
19.02.2025 | 15:17
Քրեակատարողական ծառայության պետ Ծովինար Թադևոսյանը և ԵԽ երևանյան գրասենյակի ներկայացուցիչ Դիանա Ղազարյանը շրջայց են կատարել «Արթիկ» և «Վանաձոր» քրեակատարողական հիմնարկներում
Քրեակատարողական ծառայության պետ Ծովինար Թադևոսյանը և Եվրոպայի խորհրդի «Ազատությունից զրկված անձանց իրավունքների պաշտպանության ամրապնդումը» ծրագրի ղեկավար Դիանա Ղազարյանը փետրվարի 18-ին աշխատանքային այցով եղել են ՀՀ ԱՆ «Արթիկ» և «Վանաձոր» քրեակատարողական հիմնարկներում․ տեղեկացնում են ՔԿԾ-ից։
Այցի հիմնական նպատակն Էր ուսումնասիրել հիմնարկների այն տարածքները, որտեղ «Սևան» քրեակատարողական հիմնարկի օրինակով ԵԽ-ի աջակցությամբ ստեղծվելու են ուսումնաարտադրական կենտրոններ։ Ծովինար Թադևոսյանը և Դիանա Ղազարյանը տեղում դիտարկել են հնարավոր տարբերակները և լուծումները։
Շրջայց է կատարվել նաև հիմնարկների այն տարածքներում, որտեղ վարձատրվող աշխատանքներում ներգրավված դատապարտյալների կողմից իրականացվել են և դեռ ընթանում են շինվերանորոգման աշխատանքներ, այն է՝ կարանտինային մասնաշենքում, կարճատև և երկարատև տեսակցության սենյակներում, պատժախցերում և բնակելի գոտիների այլ տարածքներում։ Ուսումնասիրվել են նաև վերանորոգման ենթակա հատվածները։
Հավելենք, որ «Արթիկ» քրեակատարողական հիմնարկում վերոնշյալ աշխատանքներն իրականացնում են նաև այն ազատազրկված անձինք, որոնք մասնակցել են ՀՀ ԱՆ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի կողմից կազմակերպված «Շինարարական հմտություններ» դասընթացին։ Ազատազրկված անձանց վերասոցիալականացմանն ուղղված այս կրթական ծրագրի շնորհիվ դատապարտյալները, ձեռք բերելով նոր հմտություններ, ստացել են դրանք գործնականում կիրառելու և վարձատրվելու հնարավորություն։
