Թուրքիան կատարյալվայր է ՌԴ-ի, Ուկրաինայի և ԱՄՆ-ի հնարավոր խաղաղության բանակցությունների համար. Էրդողան

Թուրքիայի նախագահ Ռեջեփ Թայիփ Էրդողանը Անկարայում Ուկրաինայի նախագահ Վլադիմիր Զելենսկիի հետ մամուլի ասուլիսում հայտարարել է, որ իր երկիրը կատարյալ վայր է Կիևի և Մոսկվայի միջև հնարավոր բանակցությունների համար։

«Վերջին երեք տարիների մեր ակտիվ դիվանագիտության շնորհիվ մեր երկիրը կատարյալ վայր կլինի Ռուսաստանի, Ուկրաինայի և ԱՄՆ-ի միջև հնարավոր բանակցությունների համար առաջիկայում։ Ես ընդգծել եմ, որ մենք կտրամադրենք ցանկացած աջակցություն, որպեսզի բանակցությունների արդյունքը լինի տևական խաղաղությունը»,- ասել է Էրդողանը։

Նա նշել է, որ հանդիպման օրակարգում կարևոր տեղ են գրավել երկկողմ հարաբերություններին վերաբերող թեմաները։

«Մենք քննարկել ենք առևտրային հարաբերություններում ձեռնարկվելիք քայլերը։ Ես բարձր եմ գնահատում Զելենսկիի քայլերը Ղրիմի թաթար մեր հայրենակիցների իրավունքների վերաբերյալ, որոնք պայքարում են Ուկրաինայի տարածքային ամբողջականության համար»,- նշել է Թուրքիայի նախագահը։

Նա ընդգծել է, որ Անկարան պաշտպանում է Ուկրաինայի տարածքային ամբողջականությունը․ «Մենք մեր հարգանքն ենք հայտնել այս հարցի նկատմամբ ամենուր։ Ուկրաինայի տարածքային ամբողջականությունը մեզ համար անփոխարինելի է։ Ներկայում ամբողջ աշխարհը խաղաղության է սպասում Ռուսաստանի և Ուկրաինայի միջև այս պատերազմում»։

Ըստ Էրդողանի՝ կապահովեն խաղաղությունը և անհրաժեշտ քայլեր կձեռնարկեն թե՛ արտգործնախարարի, թե՛ Պուտինի հետ հանդիպումներում։

«Մենք ցանկանում ենք քայլեր ձեռնարկել՝ հնարավորինս շուտ խաղաղություն ապահովելու համար»,- հայտարարել է Թուրքիայի նախագահը։

Թարգմանությունը՝ Էմմա Չոբանյանի