06.10.2026 | 10:20
Արտարժույթների փոխարժեքները՝ հոկտեմբերի 6-ի դրությամբ
Տիրան Խաչատրյանը 10 մլն դրամ գրավի դիմաց ազատ է արձակվել. կալանք խափանման միջոցը վերացվեց
Հասարակություն
18.02.2025 | 15:25
Ազգային հերոս, ՀՀ Զինված ուժերի գլխավոր շտաբի պետի նախկին տեղակալ, գեներալ-լեյտենանտ Տիրան Խաչատրյանը դատական նիստերի դահլիճից ազատ է արձակվել. նրա նկատմամբ ընտրված խափանման միջոց կալանքը վերացվել է:
Կիրառվել է խափանման միջոցների համակցություն` 10 միլիոն ՀՀ դրամ գրավ և բացակայելու արգելք:
Հունվարի 4-ին ձերբակալված, մեկ օր անց կալանավորված Խաչատրյանին մեղադրանք է առաջադրված 2020 թվականի 44-օրյա պատերազմի ընթացքում ծառայողական պարտականությունների նկատմամբ անփույթ վերաբերմունք դրսևորելու համար։ Ըստ Քննչական կոմիտեի՝ 2020 թվականի հոկտեմբերի 7-17-ն ընկած ժամանակահատվածում, Հարավային խմբավորման հրամանատարի կարգավիճակում, նա չի ստեղծել լիարժեք կառավարման կետ և բավարար միջոցառումներ չի իրականացրել մարտական գործողությունների կառավարման համար, ինչը հանգեցրել է ծանր հետևանքների։ Մասնավորապես, նշվում է, որ հակառակորդն օգտվել է ստեղծված իրավիճակից՝ անխոչընդոտ կերպով տիրանալով ռազմավարական բարձունքներին և պաշտպանական բնագծերին։
Տիրան Խաչատրյանին մեղադրանք է առաջադրվել ՀՀ Քրեական օրենսգրքի 376-րդ հոդվածի 3-րդ մասով (անփույթ վերաբերմունքը ծառայության նկատմամբ, որն առաջացրել է ծանր հետևանքներ)։
Ռոզա Վարդանյան
