30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Որքա՞ն է կազմում ձեր ունեցվածքը. հարց Քոչարյանին․ ՏԵՍԱՆՅՈՒԹ
Քաղաքականություն
17.02.2025 | 15:15
«Ես այդ ցանկը որ կարդում էի մամուլում, ասում էի` երանի սենց լիներ»,- մամուլի ասուլիսի ժամանակ կեսկատակ ասաց Ռոբերտ Քոչարյանը՝ պատասխանելով Factor TV-ի՝ իր ունեցվածքի մասին հարցին։
«Երբ է մարդ թաքցնում իր ունեցվածքը, եթե մտահոգություն ունի, որ այդ ունեցվածքի ծագումը կասկածելի է, օրինակ, թմրանյութերից և այլն։ Թաքցնելը սա է, չէ՞։ Մեկ դրվագ չկա, որ մեկն ասի այդ գույքերից մեկը օֆշորային հաշիվներով է, քողարկված է, սրա կամ նրա անուններով։ Այդպիսի բան այս իշխանությունների կողմից մի քանի տարի քրքրած գործերում չկա»,- ասաց նա։
Factor TV-ի լրագրողը հիշեցրեց, որ հարցն այն մասին է, թե որքան է կազմում Ռոբերտ Քոչարյանի ունեցվածքը։ «Դատախազությունը հրապարակել է, կարդացե՛ք։ ՀՀ 2-րդ նախագահը շնորհակալ է այսօրվա կառավարությանը, որ այս հարցով մտել է դատարան և լույս սփռել այդ ամենի վրա»,- արձագանքեց նա, միաժամանակ, ուղիղ չպատասխանելով, թե որքան է իր ունեցվածքը կազմում։
«Փա՛ռք Աստծո, կամ հակառա՛կը՝ 4 մլրդ չի, 4 մլրդ լիներ՝ ավելի երջանիկ կլինեի այս պահին, բայց 4 մլրդ չի։ Միֆ է, որ ընդդիմադիր և ոչ ընդդիմադիր մամուլի կողմից փչվում էր»,- նշեց նա։
Մանրամասները՝ տեսանյութում։
