08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Բաքվում այսօր տեղի կունենա Ռուբեն Վարդանյանի շինծու գործով հերթական դատական նիստը
Քաղաքականություն
17.02.2025 | 10:47
Բաքվի զինվորական դատարանում այսօր շարունակվելու է Արցախի նախկին պետնախարար Ռուբեն Վարդանյանի շինծու գործերով դատական հերթական նիստը։ Նշենք, որ նախորդ նիստը տեղի էր ունեցել փետրվարի 13-ին։
Նիստի սկզբում Ռուբեն Վարդանյանը և նրա պաշտպան Ավրահամ Բերմանը դատարանին խնդրել էին պայմաններ ստեղծել հանդիպման համար։ Դատարանը բավարարել էր միջնորդությունը։ Ռուբեն Վարդանյանը նաև հայտարարել էր, որ հրաժարվում է պետության կողմից նշանակված պաշտպան Ազեր Մագերրամովից, և որ իր իրավունքները շարունակելու է պաշտպանել պայմանագրային փաստաբան Ավրաամ Բերմանը։ Դատարանը միջնորդությունը բավարարել էր։ Այնուհետև նիստը շարունակվել էր պետական մեղադրանքը պաշտպանող դատախազների կողմից մեղադրական եզրակացության եզրափակիչ մասի հրապարակմամբ։
Պետական մեղադրողները Ռուբեն Վարդանյանին տարբեր շինծու մեղադրանքներ էին ներկայացրել, այդ թվում՝ իբրև, այսպես կոչված, «Նեմեսիս-2» գործողություն կազմակերպելու համար։
Հավելենք, որ Արցախի մյուս պաշտոնյաների՝ շուրջ 15 անձի գործով դատական նիստը տեղի կունենա փետրվարի 18-ին։
Թարգմանությունը՝ Էմմա Չոբանյանի
