24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
ՀԱՄԱՍ-ը պետք է արմատախիլ արվի. Ռուբիո
Քաղաքականություն
16.02.2025 | 21:09
ԱՄՆ պետքարտուղար Մարկո Ռուբիոն Իսրայելի վարչապետ Նեթանյահուի հետ հանդիպման ժամանակ հավանություն է տվել Իսրայելի ռազմական նպատակներին Գազայի հատվածում. գրում է AL Jazeera-ն։
Կիրակի օրը Ռուբիոն հանդիպել է Իսրայելի վարչապետ Բենիամին Նեթանյահուի հետ Երուսաղեմում՝ սկսելով իր տարածաշրջանային այցը։ Ակնկալվում է, որ ԱՄՆ պետքարտուղարը կբախվի արաբ առաջնորդների դժգոհությանը՝ կապված ԱՄՆ նախագահ Դոնալդ Թրամփի առաջարկի հետ, որը նախատեսում է Գազայի բնակչության վերաբնակեցում և շրջանի վերակառուցում՝ ԱՄՆ վերահսկողության ներքո։ Մարդու իրավունքների կազմակերպություններն այս նախաձեռնությունը որակել են որպես էթնիկ զտում։
Ռուբիոն ընդգծել է, որ «ՀԱՄԱՍ-ը չի կարող շարունակել գոյություն ունենալ որպես ռազմական կամ կառավարման ուժ»։
«Նախագահը (խմբ․- Թրամփը) իր հերթին հանդես է եկել բավականին համարձակ քայլերով՝ չդիմելով անցյալի հնացած գաղափարներին, այլ առաջարկելով նոր բան»,- լրագրողների հետ զրույցում հայտարարել է Ռուբիոն։
Նեթանյահուն ողջունել է ԱՄՆ նախաձեռնությունը՝ այն ևս որակելով որպես «համարձակ» և ընդգծելով, որ ինքը և Թրամփը ընդհանուր ռազմավարություն ունեն Գազայի ապագայի վերաբերյալ։
Համաձայնեցնելով իր հայտարարությունը Թրամփի հետ՝ նա նշել է, որ «դժոխքի դռները կբացվեն», եթե ՀԱՄԱՍ-ը չազատի հոկտեմբերի 7-ի հարձակման ընթացքում առևանգված տասնյակ գերիներին։
