19.02.2026 | 21:13
ՀՀ-ին և Ճապոնիային հաջողվել է հետևողականորեն զարգացնել քաղաքական երկխոսությունը. Մհեր Գրիգորյան
Բաքվում այսօր կշարունակվի Արցախի ռազմաքաղաքական ղեկավարների շինծու գործերով հերթական դատական նիստը
Քաղաքականություն
14.02.2025 | 11:10
Բաքվում այսօր կշարունակվի Արայիկ Հարությունյանի, Արկադի Ղուկասյանի, Բակո Սահակյանի, Դավիթ Իշխանյանի, Դավիթ Բաբայանի, Լևոն Մնացականյանի և Արցախի ռազմաքաղաքական այլ ղեկավարների ու պաշտոնյաների՝ ընդհանուր 15 անձի շինծու գործերով դատական նիստը։
Նշենք, որ նախորդ դատական նիստը տեղի էր ունեցել փետրվարի 11-ին։ Նիստին պետական մեղադրանքը պաշտպանող դատախազները մեղադրական եզրակացության եզրափակիչ մասն էին ընթերցել։ Հայաստանի հասցեին տարբեր անհիմն մեղադրանքներ են հնչեցվել։ Մասնավորապես, պետական մեղադրողներից Տարանա Մամեդովան ասել էր, թե Հայաստանը, իբր, «44-օրյա պատերազմի ընթացքում Գյանջա և Մինգեչևիր քաղաքներում, Տերտեր, Աղդամ, Բարդա, Աղջաբեդի, Ֆիզուլի, Գորանբոյ Բեյլագան, Ջաբրայիլ Քյուրդամիր և Գաբալա շրջաններում պետական և մասնավոր սեփականության շարժական ու անշարժ գույքին պատճառել է ավելի քան 187 մլն մանաթի նյութական վնաս»։
Հավելենք, որ Արցախի նախկին պետնախարար Ռուբեն Վարդանյանի գործն առանձին է քննվում։ Նրա գործով հաջորդ նիստը տեղի է ունենալու փետրվարի 17-ին։
Թարգմանությունը՝ Էմմա Չոբանյանի
