30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
Ադրբեջանական «Թուրան» գործակալությունը փակվում է
Քաղաքականություն
13.02.2025 | 16:02
Ադրբեջանական «Թուրան» գործակալությունը դադարեցնում գործությունը։ Այս մասին հայտարարություն է տարածել լրատվամիջոցը։
«Ավելի քան երեք տասնամյակ «Թուրան» լրատվական գործակալությունն Ադրբեջանում անկախ լրագրության հենասյունն էր՝ քաղաքական և տնտեսական անկայունության ժամանակաշրջանում ապահովելով օբյեկտիվ և վստահելի ռեպորտաժներ: Հիմնադրվելով 1990 թվականին՝ Խորհրդային Միության վերջին օրերին, մենք դիմակայեցինք անցման, պատերազմի և բարեփոխումների մարտահրավերներին՝ հավատարիմ մնալով հանրային շահերի լրագրությանը մեր հանձնառությանը»,-ասվում է հայտարարության մեջ։
Լրատվամիջոցը նշում է, որ շարունակվող ֆինանսական սահմանափակումների պատճառով այլևս չի կարող պահպանել լրատվական գործունեությունը ներկայիս տեսքով:
«Չնայած շարունակելու համար անհրաժեշտ ռեսուրսներն ապահովելու անխոնջ ջանքերին՝ ֆինանսական դժվարությունները, որոնք մեզ տանջում էին երկար տարիներ, վերջապես ստիպեցին մեզ կայացնել գործակալության գործունեությունը ներկայիս ձևաչափով դադարեցնելու դժվարին որոշումը: Սա մեր առաքելության ավարտը չէ, այլ ավելի շուտ էվոլյուցիան: Տեղեկատվական տարածքը փոխվում է, և մենք գիտակցում ենք հարմարվելու անհրաժեշտությունը: Առաջիկա ամիսներին մենք կուսումնասիրենք նոր ձևաչափեր՝ այնպիսի ձևաչափեր, որոնք կենտրոնացած են ոչ միայն նորությունների, այլև վերլուծության վրա՝ բացահայտելով հիմնական խնդիրները և լուծումներ առաջարկելով»,- նշվում է հայտարարության մեջ։
Հավելենք, որ օրերս էլ ադրբեջանական Toplum TV առցանց լրատվամիջոցը հայտարարություն էր տարածել Ադրբեջանում գործունեությունը դադարեցնելու ու երկրից դուրս աշխատանքը շարունակելու մասին։
Թարգմանությունը՝ Էմմա Չոբանյանի
