08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թրամփն ու Պուտինը հեռախոսազրույց են ունեցել
Քաղաքականություն
12.02.2025 | 21:14
ԱՄՆ նախագահ Դոնալդ Թրամփն ու ՌԴ նախագահ Վլադիմիր Պուտինը հեռախոսազրույց են ունեցել։ Այս մասին տեղեկացնում է CNN-ը։
Հեռախոսազանգը, որը նախագահների միջև առաջին հայտնի զրույցն է Դոնալդ Թրամփի՝ անցյալ ամիս պաշտոնը ստանձնելուց հետո, տեղի է ունեցել Ռուսաստանի կողմից երկրում բանտարկված ամերիկացուն ազատ արձակելուց հետո: Թրամփի վարչակազմի ներկայացուցիչները հայտարարել են՝ հույս ունեն, որ այս փոխանակումը կարող է նախանշել Ուկրաինայում հակամարտության դադարեցման ջանքերի վերսկսումը, որը պատրաստվում է մտնել իր չորրորդ փուլ:
Truth սոցիալական ցանցում հրապարակված ձայնագրության մեջ Թրամփն ասել է. «Մենք քննարկել ենք Ուկրաինան, Մերձավոր Արևելքը, էներգետիկան, արհեստական բանականությունը, դոլարի ուժը և տարբեր այլ թեմաներ»:
Վլադիմիր Պուտինն ու Դոնալդ Թրամփը հեռախոսազրույցի ընթացքում քննարկել են Ուկրաինայում տիրող իրավիճակը, հայտնել է ՌԴ նախագահի մամուլի քարտուղար Դմիտրի Պեսկովը:
«Քննարկվել է նաև Ուկրաինայում կարգավորման թեման։ Նախագահ Թրամփը հանդես է եկել ռազմական գործողությունների շուտափույթ դադարեցման և խաղաղ միջոցներով խնդրի լուծման օգտին»,- ասել է Պեսկովը։
