08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Կիևն ու Մոսկվան միմյանց մեղադրում են Զապորոժիեի ԱԷԿ-ում փորձագետների ռոտացիան խափանելու մեջ
Քաղաքականություն
12.02.2025 | 22:38
Ուկրաինայի իշխանությունները հայտարարել են, որ Ռուսաստանը միտումնավոր խափանել է ՄԱԳԱՏԷ-ի փորձագետների ռոտացիան Զապորոժիեի ԱԷԿ-ում, փոխանցում է BBC-ի ռուսական ծառայությունը։
«Կրեմլը գործում է շանտաժի, սպառնալիքների և սադրանքների իր սովորական օրինաչափությամբ։ Այս անգամ օկուպանտները ռոտացիան խաթարելու համար օգտագործել են սպիտակ դրոշներով զինված գրոհայինների՝ տեղակայված այն գոտում, որտեղ հատվում է Ուկրաինայի կողմից վերահսկվող տարածքների և ժամանակավոր օկուպացված գոտու միջև գիծը։ Այստեղ պետք է տեղի ունենար ՄԱԳԱՏԷ-ի ներկայացուցիչների անցումը»,- ասել է Ուկրաինայի ԱԳՆ պաշտոնական ներկայացուցիչ Գեորգի Տիխին։
Անցյալ շաբաթ ՄԱԳԱՏԷ-ն ստիպված էր հետաձգել ռոտացիան՝ Ռուսաստանի կողմից անվտանգության երաշխիքների բացակայության պատճառով։ Մոսկվան հերքել է այս մեղադրանքները։
ՌԴ ԱԳՆ-ն իր հերթին հայտարարել է, որ անցած շաբաթվանից հետաձգված փորձագետների ռոտացիան չի կայացել ուկրաինական կողմի մեղքով։
«Պատճառը ևս մեկ անգամ ուկրաինացիների սադրիչ գործողություններն էին, որոնք հրաժարվեցին ներս թողնել գործակալության քարտուղարության փորձագետներին, որոնք փետրվարի սկզբից սպասում էին կայանում իրենց գործընկերներին փոխարինելուն»,- ասել է ՌԴ ԱԳՆ ներկայացուցիչ Մարիա Զախարովան։
Թարգմանությունը՝ Տաթև Ֆռանգյանի
