Ժողովրդավարության և ձեր միջև տարածությունը նույնքան անհաղթահարելի է, որքան Գառնիկ Դանիելյանի և Մոնիկա Բելուչիի միջև․ Կոնջորյան․ ՏԵՍԱՆՅՈՒԹ

«Երկու կողմից էլ թեմայի շուրջ կան գերագնահատված ակնկալիքների ձևավորման ջանքեր: Մի կողմից կա գերագնահատված ակնկալիք, որ, ահա՛, այս օրենքը մենք կընդունենք, և դրանից հետո Հայաստանը կփրկվի: Երկրորդ կողմից՝ ի դեմս ընդդիմության, կա գերագնահատված ակնկալիք, որ, ահա՛, եթե այս օրենքն ընդունենք, Հայաստանը կկործանվի: Ճշմարտությունը ոչ մեկի և ոչ էլ մյուսի մեջ է»,- այս մասին Ազգային ժողովում «ԵՄ-ին ՀՀ-ի անդամակցելու գործընթացի մեկնարկի մասին» նախագծի քննարկման ժամանակ ասաց «Քաղաքացիական պայմանագիր» խմբակցության ղեկավար Հայկ Կոնջորյանը:

Անդրադառնալով խորհրդարանական ընդդիմության՝ նախագծին առնչվող քննադատություններին՝ Կոնջորյանը նկատեց, որ այն, ինչ անում է ընդդիմությունը, դասական «Կիկոսի մահի սինդրոմ» է:

«Դուք «Կիկոսի մահի սինդրոմով» փորձում եք բացատրել ՀՀ արտաքին քաղաքականությունը նաև այս օրենքի նախագծի տրամաբանության մեջ: Դուք կառուցում եք քաղաքագիտական, աշխարհաքաղաքական բայղուշության մի տեսլական և ասում եք ժողովրդին՝ եթե մենք մի քիչ աջ անենք, ձախ անենք, այս կողմ-այն կողմ անենք, եթե մենք սկսենք սովորել ինքնուրույն քաղաքականություն իրագործել, եթե մենք մեր քայլերի համար ինքներս պատասխանատվություն ստանձնենք, մեզ կպատժեն: Դուք գնում եք հին, կոտրած տաշտակի մոդելը բերում դնում եք սեղանի վրա։ Ժողովրդավարության և ձեր մեջ տարածությունը նույնքան է, որքան Գառնիկ Դանիելյանի և Մոնիկա Բելուչիի միջև»,- ասաց նա։

Մանրամասները՝ տեսանյութում։