15.07.2026 | 10:55
ԵԽ Միջազգային առևտրի հանձնաժողովն արագացնում է հայկական ապրանքների մուտքը ԵՄ շուկա
Արցախի ռազմաքաղաքական ղեկավարների շինծու գործով նիստին դատախազը ՀՀ-ին մեղադրել է 44-օրյա պատերազմի ընթացքում Ադրբեջանին 187 մլն մանաթի նյութական վնաս հասցնելու համար
Քաղաքականություն
11.02.2025 | 23:14
Բաքվում այսօր շարունակվել է Արայիկ Հարությունյանի, Արկադի Ղուկասյանի, Բակո Սահակյանի, Դավիթ Իշխանյանի, Դավիթ Բաբայանի, Լևոն Մնացականյանի և Արցախի ռազմաքաղաքական այլ ղեկավարների ու պաշտոնյաների՝ ընդհանուր 15 անձի շինծու գործերով դատավարությունը։ Դատական նիստը տեղի է ունեցել դատավոր Զեյնալ Աղաևի նախագահությամբ։
Ադրբեջանական լրատվամիջոցների հաղորդմամբ՝ մեղադրյալներից յուրաքանչյուրին տրամադրվել է թարգմանիչ՝ իրենց մայրենի լեզվով, ինչպես նաև պաշտպաններ։
Դատական նիստին մասնակցել են, այսպես ասած, տուժողներից մի քանիսը, նրանց ժառանգներն ու ներկայացուցիչները, պետական մեղադրանքը պաշտպանող դատախազները, ինչպես նաև Նախարարների կաբինետի ղեկավար Ռուֆաթ Մամեդովը՝ որպես ադրբեջանական պետության անունից տուժող։
Դատաքննությունը շարունակվել է պետական մեղադրանքը պաշտպանող դատախազների կողմից մեղադրական եզրակացության եզրափակիչ մասի ընթերցմամբ։ Հայաստանի հասցեին տարբեր անհիմն մեղադրանքներ են հնչեցվել։
Մասնավորապես, պետական մեղադրողներից Տարանա Մամեդովան ասել է, թե Հայաստանը, իբր, «44-օրյա պատերազմի ընթացքում Գյանջա և Մինգեչևիր քաղաքներում, Տերտեր, Աղդամ, Բարդա, Աղջաբեդի, Ֆիզուլի, Գորանբոյ Բեյլագան, Ջաբրայիլ Քյուրդամիր և Գաբալա շրջաններում պետական և մասնավոր սեփականության շարժական ու անշարժ գույքին պատճառել է ավելի քան 187 մլն մանաթի նյութական վնաս»։
Դատական հաջորդ նիստը տեղի կունենա փետրվարի 14-ին։
Հիշեցնենք, որ Արցախի նախկին պետնախարար Ռուբեն Վարդանյանի գործն առանձին է քննվում։ Նրա գործով հաջորդ նիստը տեղի է ունենալու փետրվարի 13-ին։
Թարգմանությունը՝ Էմմա Չոբանյանի
