03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Ռուբեն Վարդանյանի գործով դատական նիստին դատախազը ՀՀ-ին մեղադրել է Ադրբեջանին 20 մլրդ մանաթի նյութական վնաս հասցնելու մեջ
Քաղաքականություն
10.02.2025 | 21:52
Բաքվի զինվորական դատարանում դատավոր Զեյնալ Աղաևի նախագահությամբ այսօր տեղի է ունեցել Ադրբեջանում ապօրինաբար պահվող Արցախի նախկին պետնախարար Ռուբեն Վարդանյանի գործով դատական նիստը։ Նիստին մասնակցել են, իբր, տուժողների մի մասը, նրանց իրավահաջորդներն ու ներկայացուցիչները, պետական մեղադրող կողմին աջակցող դատախազները, ինչպես նաև Նախարարների կաբինետի ապարատի ղեկավար Ռուֆաթ Մամեդովը՝ որպես ադրբեջանական պետության անունից տուժող։
Ադրբեջանական լրատվամիջոցների հաղորդմամբ՝ Ռուբեն Վարդանյանի պաշտպան, փաստաբան Ավրաամ Բերմանը միջնորդություն է ներկայացրել՝ պայմաններ ստեղծելու իր պաշտպանյալի հետ հանդիպման համար։ Դատարանը բավարարել է միջնորդությունը, ապահովվել է հանդիպում փաստաբանի հետ, նիստերի դահլիճում ընդմիջում է հայտարարվել։
Ընդմիջումից հետո նախագահող դատավորը հայտարարել է, որ դատավարությանը նոր թարգմանիչներ են բերվել։ Մեղադրող և պաշտպանական կողմերը չեն առարկել դատավարությանը նոր ներգրավված թարգմանիչների մասնակցությանը։ Ավելի ուշ, անդրադառնալով Ռուբեն Վարդանյանի միջնորդությունները չբավարարելուն, փաստաբանը հայտարարել է, որ գործը քննող դատավորների կոլեգիան շահագրգռված է քրեական հետապնդմամբ և բացարկի միջնորդություն է ներկայացրել դատարանի կազմին։
Գլխավոր դատախազի ավագ օգնական Վուսալ Ալիևը, մեկնաբանելով միջնորդությունը, նշել է, որ երկրի Քրեական դատավարության օրենսդրությունը սահմանում է դատավորին բացարկ հայտնելու կոնկրետ դեպքեր, և որ այն պետք է հիմնավորված լինի։
Միևնույն ժամանակ, օրենքի համաձայն, բացարկ կարող է ներկայացվել, եթե կան կոնկրետ և հավաստի ապացույցներ, որոնք հաստատում են դատավորի շահագրգռվածությունը քրեական հետապնդման հարցում։ Դատախազն ասել է, որ միջնորդությունը պետք է մերժվի դատավարության այս փուլում, քանի որ պաշտպանական կողմը կոնկրետ ապացույցներ չի ներկայացրել։ Նախարարների կաբինետի գրասենյակի ղեկավար Ռուֆաթ Մամեդովը և դատավարությանը մասնակցած մյուս տուժողները նույնպես դատարանին խնդրել են միջնորդությունը թողնել առանց քննարկման։
Խորհրդակցությունից հետո հայտարարված որոշմամբ առարկությունը դատարանն առանց քննարկման է թողել բացարկի միջնորդությունը։
Ռուբեն Վարդանյանի պաշտպանը ևս մեկ հանդիպում է խնդրել իր պաշտպանյալի հետ։ Դատավորը առանձին հանդիպման հնարավորություն է ստեղծել։
Ընդմիջումից հետո դատական նիստը շարունակվել է մեղադրական եզրակացության եզրափակիչ մասի ընթերցմամբ։
Պետական դատախազ Վյուսալ Աբդուլաևը Հայաստանի հասցեին կեղծ մեղադրանքներ է հնչեցրել։ Նա ասել է, թե «օկուպացվել է Ադրբեջանի 12 քաղաք, 895 գյուղ և, ընդհանուր առմամբ, 925 բնակավայր, որոնք հանդիսանում են Ադրբեջանի ինքնիշխան տարածքներ։ Այսպիսով, ընդհանուր առմամբ, պատճառվել է ավելի քան 20 միլիարդի մանաթ նյութական վնաս, այդ թվում՝ ավելի քան 19 միլիարդ մանաթ՝ ընդհանուր 37,168 մասնավոր և պետական սեփականությանը, իսկ ավելի քան 906 միլիոն մանաթ՝ պատմամշակութային հուշարձաններին»:
Ըստ ադրբեջանական լրատվամիջոցների՝ հաշվի առնելով մեղադրական եզրակացության մեծ ծավալը՝ դրա ընթերցումը կշարունակվի հաջորդ դատական նիստի ընթացքում, որը նշանակվել է փետրվարի 13-ին։
Թարգմանությունը՝ Էմմա Չոբանյանի
