21.12.2025 | 10:23
Աբովյան-Չարենցավանի և Դիլիջանի տարածաշրջանի ավտոճանապարհներին տեղ-տեղ մերկասառույց է
«Զանգում, ասում էին՝ մենք դուրս ենք գալիս, բացեք սահմանը»․ Ալեն Սիմոնյանը՝ արցախցիների մասին․ ՏԵՍԱՆՅՈՒԹ
Հասարակություն
11.02.2025 | 18:07
«Ղարաբաղից մեզ զանգում, ասում էին`ստեղ էլ չենք մնալու, բացեք սահմանը, դուրս ենք գալու»,-այս մասին ԱԺ-ում հայտարարությունների ժամանակ հայտարարեց ԱԺ նախագահ Ալեն Սիմոնյանը՝ անդրադառնալով ավելի վաղ իր ասածներին և դրանց շուրջ քննադատություններին։
«Ես գլուխ եմ խոնարհում բոլոր այն մարդկանց առաջ, ովքեր զոհվել են ու պաշտպանել իրենց հայրենիքը, բայց ես չեմ կարող չնկատել այն մարդկանց, ովքեր մեկ ստորագրությամբ պետությունը չեղյալ հայտարարեցին ու հրաժարվեցին դրա համար պայքարելուց։
Եղել են մարդիկ, այո՛, ովքեր կռվել են և հերոսներ են, բայց կային նաև մարդիկ, ովքեր թողել ու փախել են»,-ասաց ԱԺ խոսնակը։
Նա նաև հայտարարեց, թե «պետք չէր թողնել ու թռնել Լոս, Նյու Յորք, այնտեղից հայրենասիրություն խաղալ»։
Հիշեցնենք, որ Ալեն Սիմոնյանը երեկ լրագրողների հետ ճեպազրույցի ժամանակ Արցախի լրագրողի՝ «ե՞րբ եմ վերադառնալու Արցախ» հարցին ի պատասխան ասել էր, որ կարելի էր մնալ և պայքարել։
Մանրամասները՝ տեսանյութում։
