Բաքվում հայտարարել են ռուսական «լրտեսական ցանցի» անդամների բացահայտելու մասին․ նրանց թվում նշվում են Ալիևի աշխատակազմի նախկին ղեկավարն ու նախկին ԱԳ նախարարը

Լուրեր

17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
17.11.2026 | 20:09
Վիրավորանքի համար՝ նվազագույնը 1 մլն, զրպարտության համար՝ 2 մլն դրամ․ ԱՆ-ն առաջարկում է փոխհատուցման նոր շեմեր
17.11.2026 | 20:06
Գերմանիայի ԱԳ նախարարը Բաքվում է․ նրան ընդունել է Ալիևը
17.11.2026 | 19:52
Ազգային հերոսը՝ կոռուպցիայի համար դատապարտված․ ինչու Փիլոյանը չի զրկվել կոչումից. ՏԵՍԱՆՅՈՒԹ
17.11.2026 | 19:40
Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ
17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
17.11.2026 | 19:16
Փրկարարները մարել են հանդիսությունների սրահում բռնկված հրդեհը
17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
Բոլորը

Ադրբեջանում «Ռոսսոտրուդնիչեստվո» ռուսական կազմակերպության ներկայացուցչության՝ «Ռուսական տան» գործունեության դադարեցման շուրջ սկանդալը նոր երանգներ է ստանում։ Ադրբեջանական իշխանամերձ Qafqazinfo-ն և մի շարք այլ լրատվամիջոցները գրում են, որ այս կազմակերպության կողմից Ադրբեջանում լրտեսական ցանց ստեղծելու մեղադրանքը մեծ հետաքրքրություն է առաջացրել հասարակության մեջ։

«Ռուսաստանը վերջերս չէ, որ նման ցանց է ստեղծել Ադրբեջանում, որի միջոցով փորձում է ազդել հասարակական-քաղաքական գործընթացների վրա։ Ժամանակ առ ժամանակ որոշակի անձանց մեղադրում էին նաև Ռուսաստանի օգտին աշխատելու մեջ կամ գոնե ակնարկում էին»,- նշում է լրատվամիջոցը։

«Ռուսական տունը» գտնվում է Բաքվի կենտրոնում՝ Ուզեյիր Հաջիբեյլի փողոցում։ Ըստ աղբյուրի՝ «Ռուսական տան» համար այս վայրի ընտրությանն անմիջական մասնակցություն է ունեցել գործարար Էլչին Հասանովը, որը երիտասարդության և սպորտի հարցերի նախկին նախարար Ազադ Ռահիմովի խնամին է: Ուշագրավ է այն, որ երբ «Ռուսական տունը» լքել է այս հասցեն, Էլչին Հասանովը «Ռոսսոտրուդնիչեստվո»-ի Բաքվի ներկայացուցչության ղեկավարի հետ միասին սկսել է «Ռուսական տան» համար նոր գրասենյակ փնտրել։ Նշվում է, որ Հասանովը մոբիլիզացրել է իր բոլոր ռեսուրսները՝ այդ խնդիրը լուծելու համար։

Ինչ վերաբերում է Ադրբեջանում ռուսական ցանցին, ապա լրատվամիջոցը գրում է, որ նման ցանցի առկայությունն արդեն փաստերով է հաստատվել։ Հայտնի է, որ ցանցի անդամները մի անգամ հավաքվել են Բաքվից դուրս գտնվող բնակելի թաղամասին մերձակա այգում։ Ըստ աղբյուրը՝ ցանցի գործունեությունը վերահսկել է Մոսկվայից նշանակված հետախուզության ներկայացուցիչը, որը հաճախ է այցելել Ադրբեջան։ Լրատվամիջոցի պնդմամբ՝ ցանցը ղեկավարել է Ռամիզ Մեհդիևը՝ Ադրբեջանի նախագահ Իլհամ Ալիևի աշխատակազմի հայտնի նախկին ղեկավարը, որը «գորշ կարդինալ» էր համարվում։

Խմբի կազմում են եղել նաև մշակույթի նախկին նախարար Աբուլֆազ Գարաևը, սպորտի նախկին Ազադ Ռահիմովը (նա մահացել է 2021 թվականին) և նախկին ԱԳ նախարար Էլմար Մամեդյարովը։ Այս հավաքներին ժամանակ առ ժամանակ մասնակցել է նաև Ազգային անվտանգության նախկին նախարար Էլդար Մահմուդովը։

«Այն, որ այդ անձինք այլևս չեն զբաղեցնում իրենց պաշտոնները, չի նշանակում, որ հարաբերությունները վերացել են։ Հիմա էլ կան այնպիսիք, որոնք դիմում են ռուսական հետախուզության ներկայացուցչին, նրանից հրահանգներ ստանում, կեղծ ազդանշաններ ուղարկում մեր հասարակությանը և փորձում տարաձայնություններ սերմանել։ Բայց դրանք դանդաղ են բացահայտնվում, և չի կարելի բացառել, որ ժամանակի ընթացքում նոր փաստեր ի հայտ կգան»,- գրում է լրատվամիջոցը։

Ադրբեջանի նախկին ԱԳ Էլմար Մամեդյարովն արձագանքել է իրեն ուղղված մեղադրանքներին։ Տեղական լրատվամիջոցներից մեկի հետ զրույցում նա նշել է, որ ծիծաղելի է իրեն մեղադրել Ռուսաստանի օգտին աշխատելու մեջ, թեև 5 տարի է՝ պաշտոնանկ է արվել։

«Որոշ պաշտոնյաներ վրդովված են, որ Էլմար Մամեդյարովը դեռևս օրակարգում է: Ես օրական 20 լրագրողի հարցազրույց եմ տալիս, և այդ մարդիկ անհանգստանում են դրա համար: Ինձ Մոսկվայի հետ կապելու հիմնավոր պատճառ կամ փաստ չկա: Ես կրթություն եմ ստացել Ուկրաինայում, Ռուսաստանում և ԱՄՆ-ում: Սա նշանակում է, որ ինձ պետք է անվանեն այս երկրների գործակալ»,- հայտարարել է նա։

Հավելենք, որ ավելի վաղ ադրբեջանական իշխանական լրատվամիջոցները Բաքվում գործող «Ռուսական տանը» մեղադրել էին մշակութային և հումանիտար աշխատանքի քողի տակ հակաադրբեջանական լրտեսական գործունեություն ծավալելու մեջ։

Թարգմանությունը՝ Էմմա Չոբանյանի