14.04.2026 | 16:06
Սամվել Կարապետյանի գործով նոր միջնորդություն ենք մուտք արել դատարան․ Արամ Վարդևանյան․ ՏԵՍԱՆՅՈՒԹ
Մենք ապրում ենք հաղթանակած կարծրատիպերի աշխարհում. ապաքաղաքական զրույց Դավիթ Մուրադյանի հետ. ՏԵՍԱՆՅՈՒԹ
Հաղորդաշարեր
09.02.2025 | 21:00
Factor TV-ի A-politic հաղորդաշարի հյուրն է գրող, կինոգետ Դավիթ Մուրադյանը: Նրա վերջին գիրքը կոչվում է «Ձեռքով գրված նամակներ»։ Վերնագրի խորքային իմաստն այն է, որ լուրջ գրականությունը ստեղծվում է մի կողմից դանդաղ, անշտապ, իսկ մյուս կողմից՝ անկերծ: Արագ կարող է գրվել սերիալի հերթական սերիան, և այս դեպքում հնարավոր չէ խուսափել կարծրատիպերից՝ այն հնարքներից, որոնք բազմիցս արդեն կիրառվել են:
Անդրադառնալով հարցին, թե ինչպիսի՞ն կարող է լինել «հայկական երազանքը», հաղորդման հյուրն անդրադարձել է Կոնտան Զարյանի բնորոշմանը՝ «Արարատյան մարդ»: Բիբլիական լեռը վայրն է, որտեղից երևում է ամբողջ աշխարհը, իսկ հայ մարդու հայացքն ուղղված է դեպի Մասիս:
Գրողի բանաձևն է՝ «Ոտքերը հայրենի հողում, իսկ հայացքը՝ համաշխարհային»: Որպես այդպիսի մոտեցման օրինակ՝ նա բերում է Արամ Խաչատրյանի ստեղծագործությունը:
Ըստ Դավիթ Մուրադյանի՝ հայերին չի կարելի անվանել «Կովկասի ժողովուրդ»: Ազգային հոգեկերտվածքի խորքային շերտերը ցույց է տալիս տվյալ ազգի էպոսը: Ըստ այդմ, մենք ասում ենք՝ «Դավիթ Սասունցի», ոչ թե «Դավիթ Կովկասցի»: Գրողը բերում է հետևյալ օրինակները. Գրիգոր Նարեկացուն կամ Թորոս Ռոսլինին հնարավոր չէ «կովկասցի» անվանել:
Մանրամասները՝ տեսանյութում:
Արամ Աբրահամյան
