06.10.2026 | 10:07
Եղիշե Մելիքյանը՝ Չեռնոգորիայի հավաքականի հետ ոչ-ոքիի մասին. ՏԵՍԱՆՅՈՒԹ
Բաքվում այսօր կշարունակվի Արցախի ռազմաքաղաքական ղեկավարների շինծու գործերով դատավարությունը
Քաղաքականություն
07.02.2025 | 11:12
Բաքվի զինվորական դատարանում այսօր կշարունակվի Ադրբեջանում ապօրինաբար պահվող Արցախի ռազմաքաղաքական ղեկավարների դեմ հարուցված շինծու քրգործերով դատավարությունը։ Այսօր տեղ կունենա Արցախի շուրջ 15 պաշտոնյանների գործով նիստը։
Ադրբեջանական լրատվամիջոցների հաղորդմամբ՝ դատախազը կշարունակի ընթերցել մեղադրական եզրակացությունը։
Հիշեցնենք, որ նախօրեին տեղի ունեցած նիստին մասնակցել են, իբր, տուժողներ, նրանց իրավահաջորդներն ու ներկայացուցիչները, պետական մեղադրողները, ինչպես նաև Նախարարների կաբինետի ապարատի ղեկավար Ռուֆաթ Մամեդովը՝ որպես ադրբեջանական պետությունը ներկայացնող տուժող։
Արցախի նախկին պետնախարար Ռուբեն Վարդանյանի գործով նիստը ևս տեղի է ունեցել նախօրեին, որն անջատ է քննվում մյուսներից։ Նրա գործով հաջորդ նիստը նշանակվել է փետրվարի 10-ին։
Թարգմանությունը՝ Էմմա Չոբանյանի
