14.03.2026 | 12:34
Մեր դե՞մ եք քվեարկելու, ասում են` ՌԴ-ի հայերը մեր դեմ են քվեարկելու. Փաշինյանը Սիսիան է գնացել․ ՏԵՍԱՆՅՈՒԹ
Բաքվում ընթանում է Ռուբեն Վարդանյանի շինծու քրգործով դատական նիստը
Քաղաքականություն
06.02.2025 | 13:49
Բաքվում ընթանում է Արցախի նախկին պետնախարար Ռուբեն Վարդանյանի դեմ հարուցված շինծու քրգործերով դատական նիստը։ Ադրբեջանական լրատվամիջոցների փոխանցմամբ՝ նիստն ընթանում է Բաքվի ռազմական դատարանի դատավոր Զեյնալ Աղաևի նախագահությամբ։
Նշվում է, որ Ռուբեն Վարդանյանին ներկայացրել են իր իրավունքները, նա ապահովված է փաստաբանով։
Հիշեցնենք, որ հունվարի 27-ին տեղի է ունեցել նախորդ դատական նիստը։ Ռուբեն Վարդանյանն ասել էր, որ չի կարողանում մանրամասն ծանոթանալ քրեական գործի նյութերին և դատարանին խնդրել էր լրացուցիչ 30 աշխատանքային օր տրամադրել՝ իր պաշտպանությունը նախապատրաստելու համար։ Նրա պաշտպան Ավրահամ Բերմանը նույնպես խնդրել էր լրացուցիչ ժամանակ տրամադրել։ Դատավորները որոշել էին մերժել միջնորդությունը՝ համաձայնելով պետական մեղադրողների կարծիքին, որ պաշտպանական կողմին, իբր, բավարար ժամանակ է տրվել գործի նյութերին ծանոթանալու համար։ Դատարանը նաև խափանման միջոցն էր թողել անփոփոխ։
Հավելենք, որ այսօր ավելի ուշ կմեկնարկի Արցախի մյուս պաշտոնյաների՝ շուրջ 15 անձի գործով նիստը։
Թարգմանությունը՝ Էմմա Չոբանյանի
