10.08.2026 | 12:30
Ոստիկանները ձերբակալել են մեկ տասնյակից ավելի անձանց․ մանրամասներ` Դաշտավան գյուղում կատարված խուլիգանությունից
Ռուսական զորքերը զգալի կորուստներ են կրում, նրանց առաջխաղացման տեմպերը դանդաղում են. ISW
Քաղաքականություն
04.02.2025 | 21:29
Պատերազմի ուսումնասիրության ամերիկյան ինստիտուտը (ISW) իր ամենօրյա հրապարակման մեջ նշում է, որ 2025 թվականի հունվարին ռուսական զորքերը շարունակել են մեծ կորուստներ կրել ճակատում, չնայած նախորդ տարվա վերջի համեմատ առաջխաղացման տեմպերի դանդաղմանը:
Վկայակոչելով Ուկրաինայի Պաշտպանության նախարարության փետրվարի 3-ի զեկույցն այն մասին, որ 2025 թվականի հունվարին ռուսական զորքերը 48240 զոհ են տվել, ISW-ն նշում է, որ սա 2022 թվականի ներխուժման սկսվելուց ի վեր կորուստների թվով երկրորդ ամիսն է: Առաջինը անցյալ տարվա դեկտեմբերն էր, երբ, ըստ Ուկրաինայի ՊՆ-ի, ռուսական կորուստները կազմել են 48,670 մարդ։
ISW-ի փորձագետների վերլուծած աշխարհագրական տվյալների համաձայն՝ հունվարին ռուսական զորքերը զբաղեցրել են 498 քառ. կմ տարածք Ուկրաինայում և Կուրսկի մարզում՝ մոտավորապես 16 քառ. կմ օրական։ Առկա տվյալների համաձայն՝ ռուսական կորուստները կազմել են մոտ 96 մարդ՝ գրավված տարածքի մեկ քառակուսի կիլոմետրի համար։ ISW-ի գնահատմամբ՝ 2024 թվականի դեկտեմբերի դրությամբ՝ ռուսական զորքերը գրավել են, ընդհանուր առմամբ 593 քառակուսի կիլոմետր տարածք։
ISW-ն ավելի վաղ նշել էր, որ ռուսական զորքերի առաջխաղացման տեմպերը դանդաղել են 2024 թվականի նոյեմբերից դեկտեմբեր:
Ինստիտուտի գնահատմամբ՝ ռուսական ռազմական հրամանատարությունը, հավանաբար, կրել է անձնակազմի կորուստների ռեկորդային մակարդակ՝ ավելի մեծ տարածքային նվաճումների դիմաց:
Թարգմանությունը՝ Տաթև Ֆռանգյանի
