13.01.2026 | 21:24
Ալիևը վերակառուցումից հետո ռազմարդյունաբերական գործարան է բացել
Թող դատախազը գրի, որ Արմեն Սարգսյանը սուպերմեն է, ինչ ուզել արել է. Իսակովի պողոտայի գործով մեղադրյալ․ ՏԵՍԱՆՅՈՒԹ
Հասարակություն
03.02.2025 | 14:35
Իսակովի պողոտայում գտնվող, Պաշտպանության նախարարության հաշվեկշռում գրանցված և «Տոյոտա Երևան»-ին օտարված հողատարածքի առուվաճառքի պայմանագրում ՊՆ-ի վարչության պետերից մեկի անվան դիմաց առկա է մեկ այլ վարչության պետի ստորագրություն։ Այս մասին այսօր դատարանում ասաց մեղադրյալ Արմեն Սարգսյանի պաշտպան Տիգրան Ղազարյանը։ Վերջինս նշեց, որ «Տոյոտա Երևան»-ի հետ կնքված առուվաճառքի պայմանագրում նշված է իր պաշտպանյալ, մեղադրյալ Արմեն Սարգսյանի անունը, մինչդեռ առկա է մեկ այլ վարչության պետի՝ Վարդան Ավետիսյանի ստորագրությունը։ Պաշտպանը միջնորդեց Ավետիսյանին դատակոչել ու հարցաքննել։
Այսօր դատարանում ելույթ ունեցավ նաև մեղադրյալ Արմեն Սարգսյանը՝ նշելով, որ գործի քննության ամբողջ նախաքննության ընթացքում իրենց գրություններ են ուղարկել դատախազություն և քննչական մարմին, պահանջել են առերեսումներ, որոնք, սակայն, չեն իրականացվել։
Արմեն Սարգսյանը նշեց, որ Իսակովի պողոտայի հողերը տրվել են ՊՆ-ին՝ հենց օտարելու նպատակով, բայց ինքը չէ դրա պատասխանատուն։ Իսկ եթե նպատակն իրեն պատասխանատու նշանակելն ու առուվաճառքի գործընթացի հետ կապ ունեցող մյուս անձանց մաքրելն է, ապա հանրային մեղադրողը կարող է ցանկացած բան գրել։
«Թող դատախազը գրի, որ Արմեն Սարգսյանը սուպերմեն է, ինչ ուզել արել է»,- ասաց Արմեն Սարգսյանը։
Արաքս Մամուլյան
