21.12.2025 | 10:23
Աբովյան-Չարենցավանի և Դիլիջանի տարածաշրջանի ավտոճանապարհներին տեղ-տեղ մերկասառույց է
Մենք մեր մեջ ուժ չենք գտնում տեսնել իրականությունը. ապաքաղաքական զրույց Աշոտ Ոսկանյանի հետ. ՏԵՍԱՆՅՈՒԹ
Հաղորդաշարեր
02.02.2025 | 21:00
Factor TV-ի A-politic հաղորդաշարի հյուրն է փիլիսոփայական գիտությունների դոկտոր Աշոտ Ոսկանյանը: Նրա կարծիքով՝ 44-օրյա պատերազմում պարտությունը վկայում է հասարակության ֆիասկոյի մասին: Դա հեռու է, փիլիսոփայի տեսանկյունից, այն սխալ բանաձևից, թե, իբր, «բոլորս ենք մեղավոր»: Խոսքը տվյալ դեպքում հասարակության կազմակերպման սխալ ձևի մասին է, որը թույլ չի տալիս սթափ գնահատել իրավիճակը և ամբողջ քննարկումը հանգեցնում է երկու հակադիր ճամբարների փոխադարձ մեղադրանքների:
Անդրադառնալով «գաղափարախոսություն» եզրույթին՝ հաղորդման հյուրը նշում է, որ Մարքսի բնորոշումը, թե դա «կեղծ գիտակցություն է», ճիշտ է այնքանով, որ ցանկացած գաղափարախոսություն արտահայտում է մարդկանց որոշակի խմբի շահերը, բայց հավակնում է լինել համընդհանուր, համազգային կամ համամարդկային: Այդ առումով Աշոտ Ոսկանյանը նշում է, որ իշխանությունը սկսել է ձևավորել իր գաղափարախոսությունը, որը, նրա կարծիքով, հիմնված է սխալ հիմնադրույթների վրա:
Ընդ որում, փիլիսոփայի կարծիքով, կեղծ է նաև այն պնդումը, որ գոյություն ունի «ժողովրդական գաղափարախոսություն», և այն հիմնված է՝ «չենք ուզում տառապել, ուզում ենք լավ ապրել» թեզի վրա: Գաղափարախոսությունները, ըստ այդմ, «ներքևից» չեն ստեղծվում:
Մանրամասները՝ տեսանյութում:
Արամ Աբրահամյան
