25.08.2026 | 22:19
Էրդողանը նախազգուշացրել է՝ «ահաբեկչությունից շահույթ ստացողները» դատապարտված են ձախողման
Արտառոց դեպք համալսարանում. ուսանողը հեռացվել է
Հասարակություն
31.01.2025 | 22:17
Երևանի պետական համալսարանից ուսանող են հեռացրել, քանի որ նա եզրափակիչ քննության ժամանակ փորձել է արտագրել: Այս մասին Factor.am-ին հայտնել են ուսանողները, որոնք ԵՊՀ-ից ստացել են էլեկտրոնային նամակներ:
«Հարգելի՛ ուսանողներ, ԵՊՀ տնտեսագիտության և կառավարման ֆակուլտետում տեղի ունեցած եզրափակիչ քննություններից մեկի ընթացքում բացահայտվել է ուսանողի կողմից արտագրման փորձ։ Արձանագրված այդ դեպքում ուսանողը խախտել է ակադեմիական ազնվության նորմերը, ինչպես նաև ԵՊՀ ներքին կարգապահական կանոնները, որի հետևանքով նա հեռացվել է համալսարանից։ Կոչ ենք անում բոլորին հետևել ակադեմիական ազնվության սկզբունքներին, հարգել համալսարանի կանոններն ու ապահովել գիտելիքների ձեռքբերման արդար ու անաչառ գործընթաց, միևնույն ժամանակ զգուշացնում, որ նման դեպքերը խստորեն պատժվելու են։ Հարգանքով՝ ԵՊՀ ռեկտորատ»,- նշված է հաղորդագրությունում:
Արփի Հակոբյան
