08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Չինաստանը Պենտագոնից 10 անգամ մեծ տարածքով հրամանատարական կենտրոն է կառուցում
Քաղաքականություն
31.01.2025 | 17:15
Չինաստանը Պեկինի մերձակայքում հսկա հրամանատարական կենտրոն է կառուցում՝ իր զինված ուժերը ղեկավարելու համար։ Ենթադրվում է, որ այն զգալիորեն ավելի մեծ է լինելու, քան ԱՄՆ պաշտպանության նախարարության շենքը և պարունակելու է բունկերներ, որոնք կարող են պաշտպանել Ժողովրդական ազատագրական բանակի (PLA) առաջնորդներին, այդ թվում՝ միջուկային հարվածներից:
Արբանյակային պատկերներում, որոնք և ձեռք են բերվել Financial Times-ի կողմից, երևում է շինհրապարակ Պեկինից 30 կմ հարավ-արևմուտքում: Դրա տրամագիծը գերազանցում է 4 կմ-ը։ ԱՄՆ հետախուզությունն ուսումնասիրում է այդ լուսանկարները։
Հաստատությունը կդառնա աշխարհի ամենամեծ ռազմական հրամանատարական կենտրոնը, թերթին հայտնել են ԱՄՆ մի քանի ներկա և նախկին պաշտոնյաներ: Դատելով լուսանկարներից՝ հիմնական շինարարությունը սկսվել է 2024 թվականի կեսերին։
Շինհրապարակն ունի «գաղտնի ռազմական օբյեկտի բոլոր նշանները», ներառյալ երկաթբետոնե և խորը ստորգետնյա թունելները, ասել է չինացի փորձագետը, որը ծանոթ է լուսանկարներին: Կենտրոնը «գրեթե 10 անգամ ավելի մեծ կլինի, քան Պենտագոնը՝ ԱՄՆ-ից առաջ անցնելու [Չինաստանի նախագահ] Սի Ցզինպինի հավակնություններին համապատասխան»։
Փորձագետի խոսքով՝ այս ամրոցը միայն մեկ նպատակի է ծառայելու՝ որպես դատաստանի օրվա բունկեր չինացի զինվորականների համար։
Թարգմանությունը՝ Տաթև Ֆռանգյանի
