14.05.2026 | 19:30
Հայաստանում և Ադրբեջանում հանրության տրամադրություններն արտացոլում են հակամարտությունից հոգնածությունը. Թոմ դե Վաալ. ՏԵՍԱՆՅՈՒԹ
Նոր հարկ չի ավելանա հայտարարագիր լրացնելու արդյունքում, ավելին՝ հետ կստանաք 100 000 դրամ․ Փաշինյան․ ՏԵՍԱՆՅՈՒԹ
Տնտեսություն
31.01.2025 | 12:58
«Էնպիսի բան չկա, որ նախկինում չէր հարկվում, իսկ հիմա պետք է հարկվի»,- այս մասին մամուլի ասուլիսի ժամանակ ասաց ՀՀ վարչապետ Նիկոլ Փաշինյանը՝ պատասխանելով համընդհանուր հայտարարագրման վերաբերյալ հանրային դժգոհությունների վերաբերյալ հարցին։ Գործադիրի ղեկավարը վստահացրեց, որ համընդհանուր հայտարարագրման ներդրումով նոր հարկեր չեն առաջանում։
«Խոցելի խմբերի դեպքում սա չի կարող որևէ լրացուցիչ բեռ առաջացնել։ Այս փուլում բացի պաշտոնյաններից պետք է հայտարարագիր ներկայացնեն միայն վարձու և պայմանագրային աշխատողները, այսինքն՝ եթե մարդը չի աշխատում, նա առանվազն այս տարի չի լրացնելու հայտարարագիր»,- մանրամասնեց Փաշինյանը։
Նա նաև արձանագրեց, որ համընդհանուր հայտարարագրման համակարգում չի նախատեսվում ՀՀ հարկային օրենսդրության որևէ դրույքաչափի փոփոխություն։
«Այն, ինչ ՀՀ օրենսդրությամբ պետք է հարկվեր համակարգի ներդումից առաջ, նույն կերպ պետք է հարկվի ներդրումից հետո։ Նույնիսկ նվազագույն աշխատավարձ ստացող քաղաքացին կարող է հետ ստանալ տարեկան 100 հազար դրամ»,- արձանագրեց կառավարության ղեկավարը։
Մանրամասները՝ տեսանյութում։
