08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
ՆԱՏՕ-ն Գրենլանդիայի հարցով առաջարկ է պատրաստում Թրամփին
Քաղաքականություն
31.01.2025 | 14:10
ՆԱՏՕ-ն ծրագրում է ԱՄՆ նախագահ Դոնալդ Թրամփին առաջարկել Արկտիկայում դաշինքի ռազմական ներկայության զգալի ընդլայնում Գրենլանդիայի շուրջ բանավեճը մեղմելու համար։ Առաջարկի հիմքում դրված է այն, որ Թրամփը հետաքրքրված է աշխարհի ամենամեծ կղզով առաջին հերթին ամերիկյան անվտանգության շահերից ելնելով: Այս մասին DPA գործակալությունը տեղեկացել է դաշինքում սեփական աղբյուրից։ Ռազմական դաշինքը կարծում է, որ ՆԱՏՕ-ի ավելի ուժեղ ներկայությունը տարածաշրջանում կարող է ծառայել նաև ԱՄՆ անվտանգության շահերին:
Դաշինքի ներսից ստացված տեղեկատվության համաձայն՝ այս նախաձեռնությունը ներկայումս քննարկվում է Թրամփի հետ ոչ պաշտոնական բանակցություններում։ Ներկայության ամրապնդման հիմք կարող են հանդիսանալ 2023 թվականին ընդունված պաշտպանական նոր ծրագրերը։
ԱՄՆ-ն արդեն շահագործում է Գրենլանդիայում գտնվող Pituffik տիեզերական բազան Դանիայի հետ պայմանավորվածությունների համաձայն: Բազան աջակցում է, ի թիվս այլ բաների, հրթիռային հարձակման նախազգուշացման համակարգերին, հակահրթիռային պաշտպանության և տիեզերական հսկողության առաքելություններին: Ներկա են նաև Դանիայի զինված ուժերը՝ հիմնականում Նուուկի Արկտիկայի հրամանատարության միջոցով:
Մինչ այդ, դանիացիների գրեթե կեսը ԱՄՆ-ն էական սպառնալիք է համարում իրենց երկրի համար՝ Գրենլանդիայի նկատմամբ ԱՄՆ նախագահ Դոնալդ Թրամփի հավակնությունների ֆոնին։
Թարգմանությունը՝ Տաթև Ֆռանգյանի
