17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Թրամփը սպառնացել է BRICS-ի երկրներին 100% մաքսատուրքերով
Քաղաքականություն
31.01.2025 | 12:22
ԱՄՆ նախագահ Դոնալդ Թրամփը սպառնացել է BRICS-ի անդամ երկրներին 100 տոկոս մաքսատուրքերով, եթե նրանք որպես միջազգային վճարման միջոց հրաժարվեն ԱՄՆ դոլարից։
«Գաղափարը, որ BRICS-ի երկրները փորձում են հրաժարվել դոլարից, մինչ մենք ձեռքներս ծալած հետևում ենք, ավարտված է: Մենք պարտավորություն ենք պահանջում այդ երկրներից, որ նրանք չեն ստեղծի նոր BRICS արժույթ կամ չեն աջակցի որևէ այլ արժույթի, որը կփոխարինի հզոր ԱՄՆ դոլարին», – գրել է նա իր Truth Social-ի առցանց հարթակում:
Թրամփը սպառնացել է, որ հակառակ դեպքում «նրանք կկանգնեն 100 տոկոս մաքսատուրքերի դիմաց և ստիպված կլինեն հրաժեշտ տալ իրենց ապրանքները ԱՄՆ հրաշալի շուկայում վաճառելու հնարավորությանը»։
«Շանսեր չկան, որ BRICS-ը կփոխարինի ԱՄՆ դոլարը միջազգային առևտրում, և ցանկացած երկիր, որը կփորձի դա անել, պետք է հրաժեշտ տա Ամերիկային»,- ընդգծել է ԱՄՆ նախագահը։
Թարգմանությունը՝ Տաթև Ֆռանգյանի
