09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
ԵՄ-ն և ԱՄՆ-ն նույն տեսակետն ունեն Ուկրաինայի պատերազմի վերաբերյալ. Կայա Կալլաս
Քաղաքականություն
31.01.2025 | 12:03
Ե՛վ Եվրամիությունը, և՛ ԱՄՆ նոր վարչակազմը համոզված են, որ Ուկրաինայում պատերազմին վերջ դնելու համար անհրաժեշտ է ճնշում գործադրել Ռուսաստանի վրա, քանի որ նա ագրեսոր է, DW-ին ասել է ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալլասը։
«Հենց Ռուսաստանն է սկսել այս պատերազմը: Եվ Ռուսաստանը կարող է վերջ տալ դրան՝ դադարեցնելով խաղաղ բնակիչների և քաղաքացիական ենթակառուցվածքների ռմբակոծումը և իր զորքերը Ուկրաինայից դուրս բերելով։
Վաշինգտոնում նույնպես այս հանգամանքի «ըմբռնում կա», «ի լրումն, նախագահ (ԱՄՆ Դոնալդ) Թրամփը շատ կոշտ հայտարարություններ արեց (ՌԴ նախագահ Վլադիմիր) Պուտինի դեմ։ Այսպիսով, կարծում եմ, որ մենք ունենք իրավիճակի համանման պատկերացում»,- ընդգծել է Եվրոպական դիվանագիտության ղեկավարը։
Նրա խոսքով՝ ԱՄՆ նոր պետքարտուղար Մարկո Ռուբիոյի հետ իր առաջին հեռախոսազրույցից հետո ինքը համոզվել է, որ Վաշինգտոնը, ինչպես Բրյուսելը, ցանկանում է կայուն խաղաղություն Ուկրաինայում, այլ ոչ թե ժամանակավոր զինադադար։
Թարգմանությունը՝ Տաթև Ֆռանգյանի
