08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ԱՄՆ-ում ինքնաթիռի կործանման վայրում 40 մարմին է հայտնաբերվել
Քաղաքականություն
31.01.2025 | 11:00
ԱՄՆ-ում ավիավթարի վայրում աշխատող փրկարարները հայտնաբերել են զոհերի 40 դի, հայտնում է CBS-ը՝ վկայակոչելով իրավապահ մարմիններում հետաքննությանը ծանոթ իր աղբյուրին։
«Իշխանությունները հայտնաբերել են 40 անվնաս դի և ևս մի քանի մարդու աճյունների մասեր», – աղբյուրի խոսքերն է մեջբերում հեռուստաալիքը։ Քննիչները կարծում են, որ զոհերի մնացած մարմինները գտնվում են կործանված ինքնաթիռի պոչի հատվածում, որին փրկարարները դեռ հասանելիություն չունեն։ Ինչպես հայտնում է CBS-ը, մահացածների որոնումները կդադարեցվեն գիշերվա ընթացքում և կվերսկսվեն ցերեկային ժամերին։
NBC Washington-ն էլ, վկայակոչելով պաշտոնյաներին, փրկարարները հայտնաբերել են վթարված ուղղաթիռում գտնվող երեք զինվորների դիերը։ Մահացածների ինքնությունը չի հաղորդվում։
Հիշեցնենք՝ Վաշինգտոնի Ռեյգանի միջազգային օդանավակայանի մոտ հինգշաբթի գիշերը բախվել են քաղաքացիական ինքնաթիռն ու ռազմական ուղղաթիռը։ Ինքնաթիռում եղել է 60 ուղևոր և անձնակազմի չորս անդամ, իսկ ուղղաթիռում՝ անձնակազմի երեք անդամ։
Թարգմանությունը՝ Տաթև Ֆռանգյանի
