15.06.2026 | 09:30
ՀՀ տարածքում ավտոճանապարհներն անցանելի են
Քննարկվել են ռազմարդյունաբերության ոլորտի զարգացմանը վերաբերող հարցեր
Քաղաքականություն
27.01.2025 | 16:51
ՀՀ ԱԺ պաշտպանության և անվտանգության հարցերի մշտական հանձնաժողովին է ներկայացվել ՌԱԿ 2024թ. գործունեության ցուցանիշները. քննարկվել է ռազմարդյունաբերության ոլորտի զարգացմանը վերաբերող մի շարք հարցեր․ տեղեկացնում են ԱԺ հանձնաժողովից։
ՀՀ բարձր տեխնոլոգիական արդյունաբերության նախարար Մխիթար Հայրապետյանը և Ռազմարդյունաբերության կոմիտեի նախագահ Արամ Ջիվանյանը ԱԺ պաշտպանության և անվտանգության հարցերի մշտական հանձնաժողովին են ներկայացրել ՌԱԿ 2024թ. և Արամ Ջիվանյանի պաշտոնավարման 100-օրյա գործունեությունն՝ անդրադառնալով ձեռքբերումներին, նախանշված ու հեռանկարային աշխատանքներին, նաև՝ բացթողումներին, դրանք շտկելու հնարավորություններին։
Նախարար Մխիթար Հայրապետյանը համեմատություններով ներկայացրել է 2023-2024թթ. գործունեությունը՝ ընդգծելով երկու տարիների ընթացքում ռազմարդյունաբերության ոլորտի բյուջեի կատարողականի գրանցած ցուցանիշները, որոնք գոհացուցիչ չեն։ Անդրադարձ է կատարվել աշխատանքներն առավել արդյունավետ կազմակերպելու և ավելի բարձր ցուցանիշների հասնելու մի շարք տարբերակների ու հնարավորությունների։
Հանձնաժողովականները կարևորել են հայրենական ռազմական արտադրանքի որակական և քանակական ցուցանիշների բարձրացումը՝ այդ համատեքստում ընդգծելով արտադրողների կողքին լինելու, նրանց հետ սերտ աշխատելու անհրաժեշտությունը։
Քննարկվել են ռազմարդյունաբերության ոլորտի զարգացմանը վերաբերող մի շարք հարցեր:
