05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Ադրբեջանի ցամաքային զորքերի հրամանատարն այցելել է Սիրիայի հետ Թուրքիայի սահման
Քաղաքականություն
27.01.2025 | 22:18
Ադրբեջանի պաշտպանության փոխնախարար, ցամաքային զորքերի հրամանատար, գեներալ-գնդապետ Հիքմեթ Միրզոևն այցելել է Թուրքիայի Քիլիս (թուրքական սահմանը Սիրիայի հետ) սահմանային բնակավայր։
Թուրքիայի ՊՆ-ի հաղորդմամբ՝ թուրքական ԶՈՒ ցամաքային զորքերի հրամանատար Սելչուկ Բայրաքթարօղլուն Միրզոևի ևւ նրա ուղեկցող պատվիրակության հետ հանդիպել է Քիլիսի 6-րդ կորպուսի և հատուկ նշանակության ջոկատի հրամանատարության հետ։
Նշվում է, որ ստուգումներ են անցկացվել 6-րդ կորպուսի և միացյալ հատուկ նշանակության ջոկատի հրամանատարությունում և Քիլիսի պարեկության կայանում։ Բայրաքթարօղլուն տեղեկատվություն է տրամադրել Թուրքիայի և Ադրբեջանի ցամաքային զորքերի հրամանատարության միջև ռազմական համագործակցության և համակարգման շրջանակում մշակված սպառազինությունների և համակարգերի մասին և փոխանցել գործողությունների ընթացքում ձեռք բերված փորձը։
Հավելենք, որ ավելի վաղ Միրզոևն Անկարայում հանդիպումներ էր ունեցել Թուրքիայի գլխավոր շտաբի պետ Մեթին Գյուրաքի ու այլ բարձրաստիճան զինվորականների հետ։
Թարգմանությունը՝ Էմմա Չոբանյանի
