17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
2020թ․ ի վեր Բելառուսում բողոքի ցույցերին մասնակցելու համար առնվազն 3277 մարդ է դատապարտվել
Քաղաքականություն
23.01.2025 | 22:25
Բելառուսում 2020 թվականից ի վեր բողոքի ցույցերին մասնակցելու համար առնվազն 3277 մարդ է դատապարտվել, հայտնում է «Գարուն» իրավապաշտպան կենտրոնը։
Իրավապաշտպաններն իրենց հաշվարկներում ներառել են կարգի կոպիտ խախտման (Քրեական օրենսգրքի 342 և 342-2 հոդվածներ) և զանգվածային անկարգությունների (ՔՕ 293 հոդված) հոդվածներով դատապարտվածներին: Բելառուսում նման հոդվածներով դատապարտվել է առնվազն 3277 մարդ։
Ավելի վաղ իրավապաշտպանները հաշվարկել էին, որ 2024 թվականին Բելառուսում քաղաքական դրդապատճառներով քրեական գործերով դատապարտվել է 1721 մարդ։ Նրանցից 55,4%-ը դատապարտվել է իրական ազատազրկման, ևս 38,7%-ին նշանակվել է «տնային քիմիա» (առանց բաց տիպի ուղղիչ հիմնարկ ուղեգրում), 4,3%-ին՝ «քիմիա» (բաց տիպի ուղղիչ հիմնարկ ուղղորդում):
2024 թվականին ամենահաճախակի քրեական մեղադրանքը (1019 մարդ) հարուցվել է Քրեական օրենսգրքի 342 հոդվածով՝ չորս տարի առաջ տեղի ունեցած բողոքի ակցիաներին մասնակցելու համար։ Բացի այդ, 245 մարդ դատապարտվել է «Լուկաշենկոյին վիրավորելու» համար (ՔՕ 368-րդ հոդված), 135-ը՝ իշխանության ներկայացուցչին վիրավորելու համար (ՔՕ 369-րդ հոդված), իսկ 186-ը՝ սոցիալական այլ հակասություններ հրահրելու համար (ՔՕ 130-րդ հոդված):
Բելառուսում 2020 թվականի նախագահական ընտրությունների արդյունքները զանգվածային բողոքի ցույցեր են առաջացրել Լուկաշենկոյի ռեժիմի դեմ։ Բելառուսի իշխանությունները սկսել են բռնաճնշումներ, որոնց արդյունքում հազարավոր մարդիկ բանտարկվել են:
Թարգմանությունը՝ Տաթև Ֆռանգյանի
