25.06.2026 | 23:51
Արմեն Մելիքբեկյանը մտադիր չէ առաջադրվել ՀՖՖ նախագահի ընտրություններում
ՀՀ օրհներգում փոփոխության նախագիծն ընդունվեց առաջին ընթերցմամբ
Քաղաքականություն
22.01.2025 | 16:22
ՀՀ օրհներգի մասին օրենքում փոփոխություններն առաջին ընթերցմամբ ընդունվեցին 64 կողմ, 5 դեմ, 0 ձեռնպահ ձայներով։
Օրենքի փոփոխությամբ առաջարկվում է օրհներգի տեքստը վերադասավորել այնպես, որ ավարտվի` «Թող միշտ պանծա Հայաստան» տողով:
Հիմնական զեկուցող Սիսակ Գաբրիելյանի խոսքով՝ օրինագծի նպատակը ՀՀ խորհրդանիշերից մեկի` օրհներգի նկատմամբ միասնական մոտեցում ունենալն է:
«ՀՀ օրհներգ ասելով` հստակ հասկանանք, թե որն է ՀՀ օրհներգը, ինչ տեքստով, ինչ երաժշտությամբ և ինչ տևողությոամբ ու նրբերանգներով այն պետք է լինի։ Այն պետք է ունենա միասնական ստանդարտ` կոնկրետ տեքստ, տևողություն, երաժշտություն, ռիթմ և օրհներգի կարճ տարբերակի մեկ միասնական մոտեցում` 25-30 վայրկյանի սահմաններում»,- նշեց նա:
Օրինագծի համահեղինակը նաև ասաց, որ օրհներգի պաշտոնական տարբերակը որևէ տեղ հրապարակված չէ, կան բազմաթիվ կատարումներ: Ուստի՝ առաջարկվում է օրենքով ամրագրել, որ Կառավարության կայքէջում հրապարակվի Հայաստանի Հանրապետության պետական օրհներգի տեքստի խմբագրված տարբերակը, և այդ տարբերակը հնչի օրենքով նախատեսված բոլոր դեպքերում:
