Քաղաքականություն
21.01.2025 | 19:16
Ադրբեջանի պաշտպանության նախարար, գեներալ-գնդապետ Զաքիր Հասանովի գլխավորությամբ հայաթափված ու էթնիկ զտման ենթարկված Ստեփանակերտում տեղի է ունեցել ցամաքային զորքերի օպերատիվ խորհրդակցություն։
Ըստ Ադրբեջանի ՊՆ-ի՝ Ստեփանակերտում հանդիպմանը մասնակցել են փոխնախարարներ,տարբեր տեսակի զորքերի հրամանատարներ, գլխավոր վարչությունների, գերատեսչությունների և ծառայությունների ղեկավարներ, ինչպես նաև՝ ցամաքային զորքերի շտաբը և կազմավորումների հրամանատարները։
«Հանդիպմանը վերլուծվել է ադրբեջանա-հայկական պայմանական սահմանին առկա օպերատիվ իրավիճակը, զորամասերի մարտական պատրաստության աշխատանքները և զինվորական կարգապահության վիճակը։ Գեներալ-գնդապետ Զաքիր Հասանովը համապատասխան հանձնարարականներ է տվել զորամասերի ծառայողական և մարտական գործունեությունը բարելավելու, զգոնությունը բարձրացնելու, հանձնարարված խնդիրների ճշգրիտ և ժամանակին կատարումն ապահովելու ուղղությամբ»,- ասվում է հաղորդագրության մեջ։
Նշվում է, որ նաև կարևորվել է բարդ տեղանքով բարձր լեռնային շրջաններում մարտական հերթապահություն իրականացնող ստորաբաժանումների բոլոր տեսակի ապահովմանը հատուկ ուշադրություն դարձնելը, ներառյալ անձնակազմի բարոյահոգեբանական պատրաստվածությունը:
Թարգմանությունը՝ Էմմա Չոբանյանի
