10.08.2026 | 17:11
Պատրա՞ստ եք հրապարակել 44-օրյա պատերազմի հանգամանքներն ուսումնասիրող հանձնաժողովի զեկույցը. Մանուկյանը՝ Գաբրիելյանին. ՏԵՍԱՆՅՈՒԹ
ՌԴ-ի ու Ադրբեջանի տեսակետները համընկնո՞ւմ են․ Լավրովի արձագանքը․ ՏԵՍԱՆՅՈՒԹ
Քաղաքականություն
21.01.2025 | 17:41
«Ռուսաստանը միակողմանի դիրքորոշում չի ցուցաբերում հայ-ադրբեջանական խնդրի համատեքստում»,- այս մասին հայտարարել է ՌԴ ԱԳ նախարար Սերգեյ Լավրովը Մոսկվայում ՀՀ ԱԳՆ ղեկավար Արարատ Միրզոյանի հետ ճեպազրույցում։
«Արմենպրես»-ի լրագրողի դիտարկմանը, թե հաճախ ՌԴ-ի ու Ադրբեջանի դիրքորոշումները՝ հայ-ադրբեջանական խնդիրների համատեքստում, համընկնում են, Լավրովը չի համաձայնել․վ«Մենք զբաղվում ենք հարցերով, որոնք միանգամայն արդիական են, Երևանի ու Բաքվի միջև հարաբերությունների կարգավորման հարցերով՝ ելնելով մեր խոր շահագրգռվածությունից, որպեսզի մեր եղբայրական ժողովուրդները ապրեն խաղաղության ու բարեկեցության մեջ»։
Լավրովի պնդմամբ՝ ՌԴ-ն շահագրգռված է այս հարաբերությունների կարգավորմամբ՝ «ի տարբերություն Հարավային Կովկասից հեռու գտնվող երկրների, որոնք առաջ են քաշում լարվածության պահպանմանն ուղղված օրակարգ»։
Ըստ ՌԴ ԱԳ նախարարի՝ Մոսկվան առաջնորդվում է այն պայմանավորվածություններով, որոնք ձեռք են բերվել եռակողմ ձևաչափով՝ Երևանի և Բաքվի համաձայնությամբ։
Մանրամասները՝ տեսանյութում։
Տաթև Ֆռանգյան
