25.06.2026 | 23:51
Արմեն Մելիքբեկյանը մտադիր չէ առաջադրվել ՀՖՖ նախագահի ընտրություններում
Զուրաբյանի հետ ընտրություններին դաշինքով մասնակցելու քննարկում չի եղել. Մարության․ ՏԵՍԱՆՅՈՒԹ
Քաղաքականություն
21.01.2025 | 15:17
Օրեր առաջ Հայկ Մարությանի նախաձեռնած տրանսպորտի թանկացման դեմ ակցիային միացել էր ՀԱԿ փոխնախագահ Լևոն Զուրաբյանը։
Factor TV-ն այսօր Մարությանից հետաքրքրվեց՝ Զուրաբյանի հետ քննարկումներ կամ խոսակցություններ եղե՞լ են 2026 թվականի խորհրադարանական ընտրություններին դաշինքով մասնակցելու վերաբերյալ։
«Բացարձակ, քանի որ 2026 թվականը շատ հեռու է, և մենք այդ մասին ընդհանրապես չենք էլ մտածում։ 2013 թվականին, երբ մենք կրկին սոցիալական բնույթի ակցիա էինք անում, Նիկոլ Փաշինյանն էլ էր եկել միացել այդ ակցիային որպես քաղաքական գործիչ, բայց դրանից այդ ամեն ինչը քաղաքական չդարձավ։ Մեր պայքարը մաքուր սոցիալական, ժողովրդական պայքար է»,- ընդգծեց Երևանի նախկին քաղաքապետը։
Նշենք, որ Factor TV-ն ՀԱԿ փոխնախագահ Լևոն Զուրաբյանից էլ էր հետաքրքրվել՝ արդյոք Հայ ազգային կոնգրեսը կմիանա՞ նախկին քաղաքապետ Հայկ Մարությանին և 2026 թվականի խորհրդարանական ընտրություններին նրա հետ պայքարի իշխանության համար։
«Ընդհանրապես կոնսոլիդացվելը լավ գաղափար է, այսօր միայն դա կարող եմ ասել»,- ասել էր Զուրաբյանը։
Ճշտող հարցին՝ այսինքն չի՞ բացառում, ՀԱԿ փոխնախագահը պատասխանել էր՝ «Ինչո՞ւ պիտի բացառեմ որևէ բան»։
Միևնույն ժամանակ Զուրաբյանն ընդգծել էր, որ ինքն անհատապես է եկել աջակցելու Մարությանին, բայց հնարավոր է՝ կուսակցությունում այդ հարցի շուրջ որոշում ընդունեն։
Մանրամասները՝ տեսանյութում։
Արփի Հակոբյան
