25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Միայն երկու սեռ՝ արական և իգական․ Թրամփը հրամանագրեր է ստորագրել՝ նաև խստացնելով քաղաքացիության շնորհման կարգը
Քաղաքականություն
21.01.2025 | 20:13
Թրամփը հրաման է ստորագրել, որը չեղարկում է ծննդյան իրավունքով քաղաքացիության ձեռքբերումը․ սա մի սկզբունք էր, համաձայն որի ցանկացած ոք, ով ծնվում է ԱՄՆ-ում, համարվում էր այդ երկրի լիարժեք քաղաքացի։
Այս իրավունքը երաշխավորված է ԱՄՆ սահմանադրությամբ և հաստատված է երկրի գերագույն դատարանի կողմից 1898 թ-ից։
Քաղաքացիական իրավունքների ու ազատությունների կոալիցիոն խումբն արդեն հայց է ներկայացրել դատարան՝ վիճարկելով Թրամփի հրամանի օրինականությունը։ Ակնլավում է, որ հրամանը կվիճարկեն նահանգների դատախազները։
Ի թիվս այլ փաստաթղթերի, Թրամփը նաև հրաման է ստորագրել, որն ուղղված է տրանսգենդերների դեմ։ Փաստաթղթում ասվում է, որ դաշնային կառավարությունը կճանաչի միայն երկու գենդեր՝ արական և իգական, սա նշանակում է, որ այս երկու սեռերը կընդունվեն պաշտոնական փաստաթղթերում, ինչպես օրինակ անձնագրերում կամ վիզայում։
Հրամանագրում նշվում է, որ «գենդերը հոմանիշ չէ «գենդերային ինքնության» հետ։
Հիշեցնենք, որ Միացյալ Նահանգները Բայդենի վարչակազմի օրոք 2021 թվականից «X» գենդերային նշիչով անձնագրեր սկսեց տրամադրել։
Թարգմանությունը՝ Տաթև Ֆռանգյանի
