06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Ճշմարտությունները փոխարինվել են «նարատիվներով». ապաքաղաքական զրույց Արման Գրիգորյանի հետ․ ՏԵՍԱՆՅՈՒԹ
Հաղորդաշարեր
19.01.2025 | 21:00
Factor TV-ի A-politic հաղորդաշարի հյուրն է քաղաքագետ, ԱՄՆ Լիհայի համալսարանի պրոֆեսոր Արման Գրիգորյանը: Նա մանրամասն ներկայացնում է, թե ինչպես են Արևմուտքում «աջ»՝ պահպանողական և «ձախ»՝ լիբերալ գաղափարախոսությունները 1960-ականներին փոխել իրենց իմաստը՝ այն պատճառով, որ դրանք սկսել են ներկայացնել այլ խմբերի շահերը:
Քաղաքագետը թվարկում է պատճառները, որոնք այժմ դրդում են ամերիկացիներին ու եվրոպացիներին հակվել դեպի «աջ» գաղափարները:
Մեկ այլ կարևոր հանգույց էր 1990-ականների սկիզբը, երբ հաստատվել էր ամերիկյան հեգեմոնիան: Արման Գրիգորյանը համաձայն է այն ամերիկյան ու եվրոպական քաղաքագետների հետ, որոնք պատկանում են «ռեալիզմի» դպրոցին և զգուշացնում էին, որ հեգեմոնիան հավերժ չէ և, «անզգույշ» օգտագործվելու դեպքում, կարող է հանգեցնել միջազգային կոնֆլիկտների:
Հաղորդման հյուրն անդրադառնում է նաև պոստմոդեռնիստական մտածողությանը, որը շատ կետերով հրաժարվում է լուսավորչական շրջանում ձևավորված սկզբունքներից: Ճշմարտության փնտրտուքը փոխարինվում է «նարատիվների» (պատումների) ձևակերպումներով: Ընդ որում, «գերիշխող» են դառնում այն «նարատիվները», որոնք պատկանում են «ճնշված» համարվող խավերին:
Մանրամասները՝ տեսանյութում:
Արամ Աբրահամյան
