16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
«Ես դատավորներին դատելու ճանապարհով չէի գնա, այլ՝ դատաիրավական բարեփոխումների ճանապարհով»․ Ավետիք Իշխանյան. ՏԵՍԱՆՅՈՒԹ
Քաղաքականություն
23.09.2018 | 18:03
Factor.am-ը զրուցել է Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանի հետ.
-Ինչու՞ ընտրատեղամասերում չկա էն ոգևորությունը, որ սպասվում էր հեղափոխության արդյունքում, երբ ընտրակաշառք չկա, ընտրական ճնշում չկա։
-Բարդ է հարցին պատասխանելը, մանավանդ հեղափոխության էյֆորիան պետք է ուղղորդեր մարդկանց։ Գուցե շատերը մտածում են, որ Երևանի ընտրությունները վճռական նշանակություն չունեն, մեկ, և երկրորդն էլ՝ չգիտեմ արժե էսօր ընտրություններին անդրադառնալ՝ նախընտրական քարոզարշավը շատերին հիասթափեցրեց։
-Ի դեպ քվեարկությունը լուսաբանող լրագրողները սոցցանցերում գրում են, որ ձանձրանում են, որ ընտրատեղամասերում ոչինչ տեղի չի ունենում, «էսպես էլ բա՞ն կլինի»։
-Հասկանալի է։ Ասեմ, որ ես էլ մեր դիտորդական շտաբից եմ գալիս։ Երբ որ մեր դիտորդների առաջին խումբն ու շրջիկ խումբը եկել էին, հիասթափված էին, որ հետաքրքրություն չկա։ Իհարկե, կատակով ենք ասում։ Քանի որ մենք սովոր ենք և համոզված էինք, որ ինչ ասես լինելու է, կարծես թե այդ ամենը տեղի չեն ունենում և իսկապես դառնում է ձանձրալի։ Շատ կուզենայի, որ այդպես էլ ավարտվեն այս ընտրությունները, և, եթե այդպես էլ ավարտվեն, սա հիմք հանդիսանա ապագա ընտրությունների համար։
