14.03.2026 | 18:02
Հրազդանի, Սևանի, Ապարանի, Արագածի, Աշոցքի տարածաշրջաններում ձյուն է տեղում
Մարին Լը Պենին տեղափոխող նավը Մայոտի ափին բախվել է մեկ այլ նավի
Քաղաքականություն
07.01.2025 | 19:43
Մայոտի ափերի մոտ այսօր նավեր են բախվել։ Դրանցից մեկում եղել է Ֆրանսիայի խորհրդարանի «Ազգային հանրահավաք» խմբակցության ղեկավար Մարին Լը Պենը։ Նա չի տուժել, հայտնում է BFMTV-ն։
Նշվում է, որ Լը Պենը ժամանել է Մայոտ, որին հարվածել էր ցիկլոնը անցյալ շաբաթվա վերջին: Քաղաքական գործիչը եղել է նավում, որը շարժվում էր դեպի տեղի օդանավակայան։
BFMTV-ի տվյալներով՝ բախման ժամանակ նավի վրա գտնվող մարդկանց մեծ մասը կորցրել է հավասարակշռությունը և ընկել։ Երեք հոգի թեթև վնասվածքներ են ստացել։ Լը Պենին տարհանել են ոստիկանական նավով:
Մայոտ կղզին Ֆրանսիայի անդրծովյան դեպարտամենտն է, որը պատկանում է Հնդկական օվկիանոսում գտնվող Կոմորյան արշիպելագին։ Արշիպելագն անկախություն է ձեռք բերել 1974 թվականին, Մայոտում անցկացված հանրաքվին մեծամասնությունը քվեարկել է անկախության դեմ։
Թարգմանությունը՝ Տաթև Ֆռանգյանի
